తెలంగాణ పురపాలక శాఖ మంత్రి కేటీఆర్,హీరో ప్రభాస్ మధ్య జరిగిన ట్వీట్ సంభాషణ నెట్టింట వైరల్‌గా మారింది. ప్రస్తుతం తెలుగు రాష్ట్రాల్లో విష స్వరాలు ప్రబలుతున్న నేపథ్యంలో ‘వైరల్ జ్వరాలు, డెంగ్యూ రాకుండా ముందు జాగ్రత్త చర్యలు తీసుకోవాలి. మీ ఇంటి ఆవరణలో ఉన్న నీటి తొట్టెలు, పూల కుండీలు, ఎయిర్ కూలర్లలో నీటి నిల్వ లేకుండా చూసుకోండి. దోమల వ్యాప్తికి ఇవే కారణం. నా ఇంటి పరిసరాలను నేను తనిఖీ చేసి నిల్వ ఉన్న నీటిని తొలగించాం. మీరు కూడా ఆ పనిచేసి ఫొటోలను నాతో పంచుకోండి” అని కేటీఆర్ ట్వీట్ చేశారు.కేటీఆర్ తన ఇంటి పరిసరాలను శుభ్రం చేస్తున్న ఫొటోలను ప్రభాస్ తిరిగి పంచుకుంటూ ‘వైరల్ జ్వరాలు, డెంగ్యూ రాకుండా మీ ఇంటి పరిసరాలను శుభ్రంగా ఉంచుకోండి. దయచేసి ఈ విషయాన్ని అందరికీ చేరేలా చూడండి. ఆరోగ్యంగా ఉండండి” అని పేర్కొన్నారు. భాస్ మద్దతు తెలిపినందుకు కేటీఆర్ కృతజ్ఞతలు తెలిపారు.కాగా అంతకుముందే సాహో చిత్రం చాలా బాగుందని అంతర్జాతీయంగా తెలుగు సినిమా ఎదిగిందంటూ ట్వీట్స్ చేశారు..
