రోజూ బీట్రూట్ తింటే ఆరోగ్యానికి ఎంతో మంచిది. మనిషికి శక్తిని పెంచడంతో పాటు గుండెను దిటవు చేసే వరకు బీట్రూట్‌లో ఎన్నో ఆరోగ్య రహస్యాలు దాగి ఉన్నాయి. నిత్యం బీట్రూట్ తీసుకుంటే గుండె జబ్బులు ఎదురు కావని ఓ అధ్యయనంలో తేలింది. ఆటగాళ్లు త్వరగా అలసిపోకుండా కావాల్సినంత శక్తిని సమకూర్చే గుణం దీనిలో ఉంది. ఆట్లడడానికి గంటన్నర ముందు బీట్రూట్ జ్యూస్ తీసుకుంటే మంచి ఫలితం ఉంటుంది. అంతేకాకుండా బీట్రూట్ ద్వారా రక్తంలో నైట్రేట్ రెట్టింపై, కండరాలు చురుకుగా పని చేస్తాయి. కొవ్వును కరిగించే గుణం కూడా దీనిలో ఉంది. బరువు తగ్గాలనుకునే వారు రోజూ బీట్రూట్ జ్యూస్ తాగితే మంచింది. రోజంతా చురుకుగా ఉండడానికి ఈ జ్యూస్ ఎంతో దోహదపడుతుంది. కాల్షియం, మెగ్నీషియం, పొటాషియం, ఐరన్ లాంటి ఎన్నో ఖనిజాలు ఉన్నందున పిల్లల్లో జ్ఞాపక శక్తిని పెంచే గుణం దీనికుంది. కనుక పిల్లలకు రోజూ గ్లాస్ జ్యూస్ ఇస్తే మంచి ఫలితాలు ఉంటాయి. గర్భిణులకు కూడా ఇదెంతో మంచిది. రక్త హీనత సమస్యను దీని ద్వారా అధిగమించవచ్చు. బీట్రూట్ జ్యూస్ సేవిస్తే మెదడుకు రక్త సరఫరా సక్రమంగా సాగుతుంది. హైబీపీ సమస్యను కూడా ఈ జ్యూస్ సేవనంతో అధిగమించవచ్చు. కాలేయాన్ని ఈ జ్యూస్ బాగా శుభ్రపరుస్తుంది. ఎముకలు దృఢంగా ఉండడంతో పాటు చర్మం, గోళ్లు, వెంట్రుకలు ఆరోగ్యంగా ఉంటాయి.