శ్రీకాకుళం జిల్లా అరసవల్లిలోని శ్రీ సూర్యనారాయణ స్వామి పాదాలను
శనివారం సూర్య కిరణాలు తాకకపోవడంతో భక్తులు నిరాశ చెందారు. ఆకాశం మేఘావృత్తమై ఉండడంతో
కిరణాల జాడ అగుపించలేదు. ప్రతి ఏటా మార్చి 9, 10 తేదీల్లో, మళ్లీ అక్టోబరు 1, 2 తేదీల్లో
కిరణాలు ఆలయ పంచ ద్వారాలు దాటి గాలి గోపురం మధ్య నుంచి స్వామి పాదాలు తాకుతుంటాయి.
ఈ అద్భుత దృశ్యం కేవలం మూడు లేదా నాలుగు నిముషాలు మాత్రమే ఆవిష్కృతమవుతుంది. రేపు కిరణాలు
స్వామి పాదాలను తాకే అవకాశం ఉందని అర్చకులు చెబుతున్నారు.