కుషీనగర్: భారత వైమానిక దళానికి చెందిన జాగర్ ఫైటర్ విమానం ఉత్తరప్రదేశ్‌లో కుప్పకూలింది. . లక్నోకు 322 కిలోమీటర్ల దూరంలో కుషినగర్‌లో ఇవాళ ఉదయం ఈ విమానం కుప్పకూలింది. వెంటనే మంటల్లో చిక్కుకుంది.నిర్మానుష్య ప్రాంతంలో కూలడంతో పెను ప్రమాదం తప్పింది. . ఫైటర్ జెట్‌ నుంచి పైలట్‌ పారాచూట్‌ సహాయంతో సురక్షితంగా బయట పడ్డాడు.
రోజువారీ కార్యక్రమంలో భాగంగా ఈ యుద్ధ విమానం ఉత్తరప్రదేశ్‌లోని గోరఖ్‌పూర్‌ వాయుసేన స్థావరం నుంచి బయలుదేరిన అనంతరం ప్రమాదం చోటుచేసుకుంది. సమాచారం తెలియగానే పోలీసులు, అధికారులు హుటాహుటిన ఘటనాస్థలానికి చేరుకున్నారు. ఘటనపై అధికారులు దర్యాప్తు జరుపుతున్నారు. జెట్‌ కూలడానికి గల కారణాలు తెలియాల్సి ఉంది.
