తమను ప్రాణానికి ప్రాణంగా ప్రేమించే అభిమానుల పట్ల హీరోలు కూడా ఎనలేని ఆదరణ చూపుతారు. వారిలో యువ క‌థానాయ‌కుడు సందీప్‌కిష‌న్ కూడా ఒకరు. సందీప్ తొలి చిత్రం నుండి ఆయనకు అభిమానిగా మారారు ప్రొద్దుటూరుకు చెందిన క‌డ‌ప శ్రీను. అయితే దురదృష్టవశాత్తు ఆయన శుక్రవారం గుండెపోటుతో క‌న్నుమూశారు. ఈ విష‌యం తెలుసుకున్న సందీప్ కిష‌న్ తీవ్ర విచారం వ్యక్తం చేశారు. దాంతో క‌డ‌ప శ్రీను ద‌హ‌న సంస్కారాల‌కైయ్యే డ‌బ్బులు ఇవ్వడంతోపాటు ఆయ‌న త‌ల్లికి నెల‌కు ఏడువేల రూపాయ‌ల ఆర్ధిక సాయాన్ని అందించ‌నున్న‌ట్లు వెల్లడించారు.ఈ మేరకు ట్విట్టర్ ద్వారా ‘అన్ని సంద‌ర్భాల్లో నాకు అండ‌గా నిల‌బడ్బ నా తొలి అభిమానిని కోల్పోవ‌డం బాధాక‌రం. చిన్న వ‌య‌సులోనే నా సోద‌రుడు దూరం కావ‌డం బాధాక‌రం. నీ కుటుంబానికి ఎప్ప‌టికీ రుణ‌ప‌డి ఉంటాను శ్రీను. నీ కుటుంబ బాధ్య‌త నాది. ల‌వ్ యు శ్రీను.. నీ ఆత్మ‌కు శాంతి క‌ల‌గాలి’ అంటూ త‌న సంతాపాన్ని ప్ర‌క‌టించారు సందీప్.