ಬೇಲೂರು: ಪ್ರಸಿದ್ಧ ವಿಷ್ಣುಸಮುದ್ರ ಕೆರೆಯ ದಂಡೆಯ ಮೇಲೆ ಜೀರ್ಣೋದ್ಧಾರಗೊಳ್ಳುತ್ತಿರುವ ಶ್ರೀಅಮೃತೇಶ್ವರ ದೇಗುಲದ ಕಾಮಗಾರಿ ಬಿರುಸಿನಿಂದ ಸಾಗುತ್ತಿದ್ದು ನಂದಿ ಮೂರ್ತಿಯನ್ನು ಪ್ರತಿಷ್ಠಾಪಿಸಲಾಯಿತು.
ದೇಗುಲದ ಹೊರಗೋಡೆ ನಿರ್ಮಿಸುವ ಮುನ್ನವೆ ಭಾರಿ ಗಾತ್ರದ ಈ ನಂದೀಶ್ವರ ವಿಗ್ರಹವನ್ನು ಅಳವಡಿಸಬೇಕಿದ್ದರಿಂದ ಕ್ರೇನ್ ಬಳಸಿ ಅರ್ಚಕರ ಸೂಚನೆಯಂತೆ ಪೀಠ ನಿರ್ಮಿಸಿ ಅದರ ಮೇಲೆ ಪ್ರತಿಷ್ಠಾಪಿಸಲಾಯಿತು. ಪ್ರತಿಷ್ಠಾಪಿಸುವುದಕ್ಕೆ ಮುನ್ನ ಪೀಠ ಅಳವಡಿಸಲು ಹಾಗೂ ನಂದಿ ಮೂರ್ತಿಗೆ ಪೂಜೆ ಸಲ್ಲಿಸಲಾಯಿತು. ಈ ವೇಳೆ ದೇಗುಲ ಜೀರ್ಣೋದ್ಧಾರ ಸಮಿತಿ ಅಧ್ಯಕ್ಷ ಅಶೋಕ್, ಗೌರವಾಧ್ಯಕ್ಷ ಸುಂಕದ ಧರ್ಮಣ್ಣ, ಅರ್ಚಕ ಭಾರ್ಗವ್ ಇದ್ದರು.
ದೇಗುಲ ಜೀರ್ಣೋದ್ಧಾರ ಕಾರ್ಯದಲ್ಲಿ ಸ್ಥಳೀಯ ದೇಗುಲ ಸಮಿತಿಯವರು ಹೆಚ್ಚಿನ ಆಸಕ್ತಿ ವಹಿಸಿದ್ದರು ಶೀಘ್ರವೆ ನಿರ್ಮಾಣ ಕಾರ್ಯ ಪೂರ್ಣಗೊಳ್ಳುವ ನಂಬಿಕೆಯಿದೆ ಎಂದು ಅಧ್ಯಕ್ಷ ಅಶೋಕ್ ತಿಳಿಸಿದರು.
