ಕೊಲಂಬಿಯಾ, ನ.10 : ಪುಟ್ಟ ಮಗುವೊಂದು ಮನೆಯೊಂದರ ಹಾಲ್ನಲ್ಲಿ ಆಟವಾಡುತ್ತಿತ್ತು. ಅಲ್ಲಿಯೇ ಸ್ವಲ್ಪದೂರದ ಕುರ್ಚಿಯ ಮೇಲೆ ಅವರ ಮನೆಯ ಬೆಕ್ಕು ಕುಳಿತಿತ್ತು. ಆ ಮಗು ಅಂಬೆಗಾಲಿಡುತ್ತ ಮನೆಯ ಬಾಗಿಲವರೆಗೆ ಹೋಯಿತು. ಇನ್ನೇನು ಬಾಗಿಲು ದಾಟುವುದರಲ್ಲಿತ್ತು, ಅಷ್ಟರಲ್ಲಿ ಕುರ್ಚಿಯಿಂದ ಹಾರಿಬಂದ ಬೆಕ್ಕು ಮಗುವನ್ನು ಮನೆಯ ಒಳಗೇ ಸಾವಕಾಶವಾಗಿ ಎಳೆಯಿತು.
ಹೀಗಾಗಿ ಆ ಮಗು ಮತ್ತೆ ಅಂಬೆಗಾಲಿಡುತ್ತ ಒಳಗೇ ಹೋಯಿತು. ಒಮ್ಮೆ ಬೆಕ್ಕು ತಡೆಯದೆ ಇದ್ದರೆ ಆ ಪುಟ್ಟ ಮಗು ಬಾಗಿಲಿನಿಂದ ಈಚೆ ಬಂದು ಮೆಟ್ಟಿಲುಗಳಿಂದ ಕೆಳಗೆ ಬೀಳುತ್ತಿತ್ತು. ಅದರ ಪ್ರಾಣಕ್ಕೇ ಅಪಾಯವಾಗುವ ಸಾಧ್ಯತೆಗಳೂ ಇದ್ದವು.
45 ಸೆಕೆಂಡ್ಗಳ ವಿಡಿಯೋವನ್ನು ಡಿಲೋರ್ ಅಲ್ವಾರೆಜ್ ಎಂಬ ಫೇಸ್ಬುಕ್ ಪೇಜ್ನಲ್ಲಿ ಪೋಸ್ಟ್ ಆಗಿದೆ. ಅದನ್ನು ನೋಡಿದ ನೆಟ್ಟಿಗರು ಸಿಕ್ಕಾಪಟೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.