ಬೆಂಗಳೂರು, ಮಾ.6, ನ್ಯೂಸ್ ಎಕ್ಸ್ ಪ್ರೆಸ್: ಕಿಚ್ಚ ಸುದೀಪ್ ಅಭಿನಯದ  ‘ಕೋಟಿಗೊಬ್ಬ 3’  ಚಿತ್ರ ಇಂದಿನಿಂದ ಚಿತ್ರಿಕರಣ ಪ್ರಾರಂಭವಾಗುತ್ತಿದೆ. ಇಷ್ಟು ದಿನ ‘ಪೈಲ್ವಾನ್’ ಸಿನಿಮಾದ ಶೂಟಿಂಗ್ ನಲ್ಲಿ ಸುದೀಪ್ ಫುಲ್ ಬ್ಯುಸಿ ಇದ್ದರು.

ಅದರ ನಂತರ ಮತ್ತೆ ‘ಕೋಟಿಗೊಬ್ಬ 3’ ಟೀಮ್ ಸೇರಿಕೊಂಡಿದ್ದಾರೆ. ಈ ಬಗ್ಗೆ ಕಿಚ್ಚ ಅವರು ಟ್ವೀಟ್ ಮಾಡಿದ್ದಾರೆ. ‘ಪೈಲ್ವಾನ್’ ಸುತ್ತಿ ಇದೀಗ ಇನ್ನೊಂದು ಚಿತ್ರದ ಸೆಟ್ ಗೆ ಬಂದಿದ್ದೇನೆ. ನನ್ನ ಹೊಸ ತಂಡವನ್ನು ಸೇರಿಕೊಂಡಿದ್ದೇನೆ. ಶಾಲೆ ಬದಲಾಯಿಸಿದ ಮಗುವಿನ ಹಾಗೆ ನನಗೀಗ ಫೀಲ್ ಆಗುತ್ತಿದೆ. ಆದರೆ ಈ ಭಾವನೆಯೇ ಅಧ್ಭುತ.” ಎಂದಿದ್ದಾರೆ.

‘ಪೈಲ್ವಾನ್’ ನಂತರ ‘ಕೋಟಿಗೊಬ್ಬ 3’ ಚಿತ್ರದ ಕೆಲಸದಲ್ಲಿ ಸುದೀಪ್ ತೊಡಗಿದ್ದಾರೆ. ಸೂರಪ್ಪ ಬಾಬು ಈ ಚಿತ್ರದ ನಿರ್ಮಾಣ ಮಾಡುತ್ತಿದ್ದಾರೆ. ಇದು ಶಿವ ಕಾರ್ತಿಕ್ ನಿರ್ದೇಶನ ಚಿತ್ರವಾಗಿದೆ.

ಸುದೀಪ್ ಗೆ ಜೋಡಿಯಾಗಿ ‘ಪ್ರೇಮಂ’ ಖ್ಯಾತಿಯ ನಟಿ ಮಡೋನ ಸೆಬಾಸ್ಟಿಯನ್ ಕಾಣಿಸಿಕೊಳ್ಳುತ್ತಿದ್ದಾರೆ. ಅಫ್ತಾಬ್ ಶಿವದಾಸಾನಿ ಚಿತ್ರದ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಶ್ರದ್ಧಾ ದಾಸ್ ಸಹ ಚಿತ್ರದಲ್ಲಿ ಅಭಿನಯಿಸಿದ್ದಾರೆ.