ಸಿಡ್ನಿ, ಡಿ. 24 :  ಆಸ್ಟ್ರೇಲಿಯಾದಲ್ಲೀಗ ಬೇಸಿಗೆಗಾಲ ಶುರುವಾಗಿದ್ದು, ಎಲ್ಲೆಡೆ ಬಿಸಿಲಿನ ಬೇಗೆಯಿಂದ ಜನರು ಹಾಗೂ ಪ್ರಾಣಿಗಳಿಗೆ ಬಹಳ ಕಿರಿಕಿರಿಯಾಗುತ್ತಿದೆ. ದೇಶದ ಅನೇಕ ಕಡೆಗಳಲ್ಲಿ ಹವಾಮಾನವು 50 ಡಿಗ್ರಿ ದಾಟಿದೆ. ಸಾಮಾನ್ಯವಾಗಿ ಬಿಸಿಲಿನ ಝಳವನ್ನು ಮೆಟ್ಟಿ ನಿಲ್ಲಲು ಶಕ್ತವಾದ ಕಾಂಗರೂಗಳು ಸಹ ಈ ವರ್ಷದ ಬಿಸಿಲಿನ ಬಿಸಿಯನ್ನು ತಾಳಲಾರದಾಗಿವೆ.

ನ್ಯೂ ಸೌತ್ ವೇಲ್ಸ್ ಪ್ರಾಂತ್ಯದ ಕಾಂಗರೂವೊಂದು 48 ಡಿಗ್ರಿಯಷ್ಟು ಬಿಸಿಲಿನ ಬೇಗೆಯಿಂದ ತಪ್ಪಿಸಿಕೊಳ್ಳಲು ಸ್ವಿಮ್ಮಿಂಗ್ ಪೂಲ್ಗೆ ಇಳಿದು ಮೈ ತಣಿಸಿಕೊಳ್ಳುತ್ತಿರುವ ವಿಡಿಯೋವೊಂದನ್ನು ಇಲ್ಲಿನ 98.1 ಪವರ್ ಎಫ್ಎಂ ಸ್ಟೇಷನ್ ಅಧಿಕೃತ ಫೇಸ್ಬುಕ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ.