ಬೆಂಗಳೂರು, ಸೆ. 20: ಸಂಗೀತ ಪ್ರಿಯರಿಗೆ ಬಿಎಂಟಿಸಿ ಶಾಕಿಂಗ್ ಸುದ್ದಿ ವೊಂದನ್ನು ನೀಡಿದ್ದು, ಇನ್ಮುಂದೆ ಬಿಎಂಟಿಸಿ ಬಸ್ ನಲ್ಲಿ ಪ್ರಯಾಣ ಬೆಳೆಸುವಾಗ ಲೌಡ್ ಸ್ಪೀಕರ್ ಹಾಕಿ ಹಾಡು ಕೇಳುವುದಕ್ಕೆ ನಿರ್ಬಂಧ ಹೇರಿದೆ.

ಹೌದು, ಈ ಕುರಿತು ಸುತ್ತೋಲೆ ಹೊರಡಿಸಿರುವ ಬಿಎಂಟಿಸಿ, ಬಸ್ಸಿನಲ್ಲಿ ಲೌಡ್ ಸ್ಪೀಕರ್ ಹಾಕಿ ಹಾಡು ಕೇಳುವುದರಿಂದ ಶಬ್ದ ಮಾಲಿನ್ಯವಾಗುತ್ತದೆ. ಅಲ್ಲದೇ ಶಬ್ದ ಮಾಲಿನ್ಯದ ಜೊತೆ ಇತರ ಪ್ರಯಾಣಿಕರಿಗೂ ಕಿರಿಕಿರಿ ಆಗುತ್ತದೆ. ಹೀಗಾಗಿ ಬಸ್ಸಿನಲ್ಲಿ ಹಾಡು ಕೇಳುವುದಕ್ಕೆ ನಿರ್ಬಂಧಿಸಿದೆ.