ಆನೇಕಲ್, ಡಿ. 03: ದೆಹಲಿಯ ನಿರ್ಭಯಾ ಕೇಸ್​ ಬಳಿಕ, ಇದೀಗ ಮತ್ತೆ ಜನರು ರಸ್ತೆಗಿಳಿದು ಅಪರಾಧಿಗಳಿಗೆ ಮರಣ ದಂಡನೆ ನೀಡಿ ಎಂದು ಕೇಳಿಕೊಳ್ಳುತ್ತಿದ್ದಾರೆ. ಅದಕ್ಕೆ ಕಾರಣ ತೆಲಂಗಾಣದ ಪ್ರಿಯಾಂಕ ರೆಡ್ಡಿ ಅನ್ನೋ ಅಮಾಯಕ ಯುವತಿಯ ಅತೀ ಅಮಾನುಷ ಅತ್ಯಾಚಾರ ಹಾಗೂ ಕೊಲೆ ಪ್ರಕರಣ. ಹೌದು, 8 ದಿನಗಳ ಹಿಂದೆ ನಡೆದ ಆ ಘಟನೆ ಇಡೀ ದೇಶವನ್ನ ರೊಚ್ಚಿಗೇಳುವಂತೆ ಮಾಡಿದೆ.

ಇಂದು ಆನೇಕಲ್ ಅಂಬೇಡ್ಕರ್ ವೃತ್ತದಿಂದ ಗಾಂಧಿ ವೃತದವರೆಗು ಮೆರವಣಿಗೆಯ ಮೂಲಕ ತೆಲಂಗಾಣದಲ್ಲಿ ಪಶು ವೈದ್ಯೆ ಪ್ರಿಯಾಂಕ ರೆಡ್ಡಿ ಮೇಲೆ ಅತ್ಯಾಚಾರ, ಕೊಲೆ ಖಂಡಿಸಿ ನಗರದಲ್ಲಿ ನೂರಾರು ವಿದ್ಯಾರ್ಥಿಗಳು, ವಕೀಲರು, ರೈತ, ವಿವಿಧ ಮಹಿಳಾ ಸಂಘಟನೆಗಳು ಪ್ರತಿಭಟನೆಯಲ್ಲಿ ಭಾಗಿಯಾಗಿ ರಸ್ತೆ ಬದಿಯಲ್ಲಿ ಸಾಲು ಸಾಲಾಗಿ ನಿಂತು ಪ್ರತಿಭಟನೆ ಮಾಡುತ್ತಿದ್ದಾರೆ. ಮಹಿಳೆಯರಿಗೆ ರಕ್ಷಣೆ ನೀಡುವಂತೆ ಆಗ್ರಹಿಸುತ್ತಿರುವ ಮಹಿಳೆಯರು. ಮಹಿಳೆಯರಿಗೆ ಹಿಂಸೆ ನೀಡುವವರನ್ನು ಗಲ್ಲಿಗೇರಿಸಲು ಆಗ್ರಹ. ಆರೋಪಿಗಳನ್ನು ಕಠಿಣ ಶಿಕ್ಷೆಗೆ ಒಳಪಡಿಸ ಬೇಕೆಂದು ಒತ್ತಾಯ.