ಬೆಂಗಳೂರು: ನಿಖಿಲ್ ಕುಮಾರಸ್ವಾಮಿ ಅಭಿನಯದ ‘ಸೀತಾರಾಮ ಕಲ್ಯಾಣ’ ಚಿತ್ರದ ಪ್ರೀಮಿಯರ್ ಶೋ ನಂತರ ಬೆಂಗಳೂರು ಕೇಂದ್ರ ವಿಭಾಗದ ಡಿಸಿಪಿ ದೇವರಾಜ್ ಹಾಗೂ ನಾಗಮಂಗಲ ಶಾಸಕ ಸುರೇಶ್ ಗೌಡ ನಡುವೆ ಮಾತಿನ ಚಕಮಕಿ ನಡೆದಿದೆ.
ಗುರುವಾರ ಓರಾಯನ್ ಮಾಲ್ನಲ್ಲಿ ನಿನ್ನೆ ‘ಸೀತಾರಾಮ ಕಲ್ಯಾಣ’ ಚಿತ್ರದ ಪ್ರೀಮಿಯರ್ ಶೋ ಏರ್ಪಡಿಸಲಾಗಿತ್ತು. ಶೋ ಮುಗಿದ ನಂತರ ಓರಾಯನ್ ಮಾಲ್ ಹಿಂಭಾಗದಲ್ಲಿರುವ ‘ವರ್ಲ್ಡ್ ಟ್ರೇಡ್ ಸೆಂಟರ್’ನಲ್ಲಿ ಅತಿಥಿಗಳಿಗಾಗಿ ಡಿನ್ನರ್ ಪಾರ್ಟಿ ಕೂಡಾ ಆಯೋಜನೆ ಮಾಡಲಾಗಿತ್ತು.
ಇದೇ ವೇಳೆ ಡಿಸಿಪಿ ದೇವರಾಜ್ ಡಿನ್ನರ್‍ಗೆ ಆಗಮಿಸಿದ್ದ ಗಣ್ಯರ ಭದ್ರತೆಯನ್ನು ನೋಡಿಕೊಂಡಿದ್ದಾರೆ.
ಇನ್ನು ಡಿನ್ನರ್
ಮುಗಿದ ನಂತರ ನಾಗಮಂಗಲ ಶಾಸಕ ಸುರೇಶ್ ಗೌಡ ಮತ್ತು ದೇವರಾಜ್ ಒಂದೇ ಲಿಫ್ಟ್ನಲ್ಲಿ ಜೊತೆಯಾಗಿ ಕೆಳಗೆ ಬರುತ್ತಿದ್ದರಂತೆ. ಈ ವೇಳೆ ಈ ವೇಳೆ ಲಿಫ್ಟ್ನಲ್ಲಿ ಡಿಸಿಪಿ ದೇವರಾಜ್ರನ್ನ ಶಾಸಕ ಸುರೇಶ್ ಗೌಡ ನೋಡುತ್ತಿದ್ದರಂತೆ.ಇದಕ್ಕೆ ಡಿಸಿಪಿ ದೇವರಾಜ್, ”ಏನ್ರಿ ನನ್ನನ್ನ ಹಾಗ್ ನೋಡ್ತಿದ್ದಿರಾ..?” ಎಂದು ಜೆಡಿಎಸ್ ಶಾಸಕ ಸುರೇಶ್ ಗೌಡರನ್ನು ಪ್ರಶ್ನೆ ಮಾಡಿದ್ದಾರೆ. ಅದಕ್ಕೆ ಸುರೇಶ್ ಗೌಡ, ”ನಾನ್ಯಾಕಯ್ಯ ನಿನ್ ನೋಡ್ಲಿ, ನೀ ಯಾರಿಗೇಳ್ತಿಯಾ ಅಂತಾ ನಂಗೊತ್ತು..?” ಅಂತಾ ಡಿಸಿಪಿ ದೇವರಾಜ್ಗೆ ಹೇಳಿದ್ದಾಂರೆ.
ಅದಕ್ಕೆ ಡಿಸಿಪಿ ದೇವರಾಜ್ ನನ್ನ ಹತ್ತಿರ ಗುರಾಯಿಸೋದೆಲ್ಲ ಇಟ್ಕೊಳ್ ಬೇಡ, ಸರಿ ಇರಲ್ಲ” ಅಂತಾ ಸುರೇಶ್ ಗೌಡರಿಗೆ ಲಿಫ್ಟ್ನಲ್ಲೇ ವಾರ್ನ್ ಮಾಡಿದ್ದಾರಂತೆ. ಇನ್ನು ಇದರಿಂದ ಸಿಟ್ಟಾದ ಶಾಸಕ ಸುರೇಶ್ ಗೌಡ ಕೂಡಲೇ ಸಿಎಂಗೆ ವಿಷಯ ತಿಳಿಸಿದ್ದಾರೆ. ಸಿಎಂ ಇಬ್ಬರನ್ನು ಕರೆದು ಘಟನೆ ಬಗ್ಗೆ ಮಾಹಿತಿ ಪಡೆದುಕೊಂಡಿದ್ದಾರೆ. ಸಿಎಂ ಕೇಳಿದ ಪ್ರಶ್ನೆಗಳಿಗೆ ಡಿಸಿಪಿ ದೇವರಾಜ್ ಉತ್ತರಿಸಿದೇ ಸುಮ್ಮನೆ ಆಗಿದ್ದಾರಂತೆ. ಇನ್ನು ಈ ಬಗ್ಗೆ ನಾಳೆ ಮಾತನಾಡುವೆ ಸದ್ಯಕ್ಕೆ ಇಲ್ಲಿಗೆ ಬಿಡಿ ಅಂತ ಶಾಸಕ ಸುರೇಶ್ ಗೌಡ ಅವರನ್ನು ಸಮಾಧಾನ ಮಾಡಿ ಕಳುಹಿಸಿದ್ದಾರೆ ಎನ್ನಲಾಗಿದೆ.
