ಬೆಂಗಳೂರು, ಅ. 31 : ಕ್ರಿಕೆಟ್ ಲೋಕದಲ್ಲಿ ಒಂದಲ್ಲಾ ಒಂದು ವಿಚಿತ್ರ ಘಟನೆಗಳು ನಡೆಯುತ್ತಲೇ ಇರುತ್ತವೆ. ಬ್ರಿಸ್ಬೇನ್ನಲ್ಲಿ ನಡೆದ
ಆಸ್ಟ್ರೇಲಿಯಾ ಹಾಗೂ ಶ್ರೀಲಂಕಾ ನಡುವಣ ಟಿ-20 ಪಂದ್ಯದಲ್ಲೂ ವಿಶೇಷ ಘಟನೆ ನಡೆದಿದೆ.
ಲಂಕಾ ಬೌಲರ್ ಸಂದಕನ್ ಚೆಂಡನ್ನು ತೆಗೆದುಕೊಂಡು ಆಸ್ಟ್ರೇಲಿಯಾ ಬ್ಯಾಟ್ಸಮನ್ ಸ್ಟೀವ್ ಸ್ಮಿತ್ರನ್ನು ವಿಕೆಟ್ಗೆ ಬಡಿಯುವ ಬದಲು ಬಲಗೈನಲ್ಲಿ ಚೆಂಡನ್ನು ಹಿಡಿದು ಎಡಗೈನಲ್ಲಿ ವಿಕೆಟ್ ವಿಕೆಟ್ ಕಿತ್ತಿರುವುದು ವಿಶೇಷ. ಎರಡನೇ ಟಿ-20 ಫೈಟ್ನಲ್ಲಿ ಶ್ರೀಲಂಕಾ ಬ್ಯಾಟಿಂಗ್- ಬೌಲಿಂಗ್ನಲ್ಲಿ ವಿಫಲ ಕಂಡಿದೆ. ವಾರ್ನರ್-ಸ್ಮಿತ್ ಅಬ್ಬರದ ಆಟದ ನೆರವಿನಿಂದ ಆಸ್ಟ್ರೇಲಿಯಾ 9 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿತು. ಲಂಕಾ ಬೌಲರ್ ಲಕ್ಷನ್ ಸಂದಕನ್ ಎದುರಾಳಿ ತಂಡದ ಬಲಿಷ್ಠ ಬ್ಯಾಟ್ಸಮನ್ ಸ್ಟೀವ್ ಸ್ಮಿತ್ರನ್ನು ಸುಲಭವಾಗಿ ರನೌಟ್ ಮಾಡುವ ಅವಕಾಶವನ್ನು ಕೈಯಾರೆ ಕಳೆದುಕೊಂಡರು. ಸಂದಕನ್ ಬೌಲಿಂಗ್ನಲ್ಲಿ ಬ್ಯಾಟಿಂಗ್ ಮಾಡುತ್ತಿದ್ದ ಡೇವಿಡ್ ವಾರ್ನರ್ ಚೆಂಡನ್ನು ನೇರವಾಗಿ ಬಾರಿಸಿದರು. ಆ ವೇಳೆ ಚೆಂಡು ವಿಕೆಟ್ಗೆ ಬಡಿಯುತ್ತದೆ. ಆದರೆ, ಚೆಂಡು ಬೌಲರ್ ಕೈಗೆ ಟಚ್ ಆಗಿರುವುದಿಲ್ಲ. ಸ್ಮಿತ್ ರನ್ ಕಲೆಹಾಕಲು ಓಡಿದ್ದಾರೆ. ತಕ್ಷಣವೇ ಸಂದಕನ್ ಪಕ್ಕದಲ್ಲಿದ್ದ ಚೆಂಡನ್ನು ತೆಗೆದುಕೊಂಡು ವಿಕೆಟ್ಗೆ ಬಡಿಯುವ ಬದಲು ಬಲಗೈನಲ್ಲಿ ಚೆಂಡನ್ನು ಹಿಡಿದು ಎಡಗೈನಲ್ಲಿ ವಿಕೆಟ್ ಕಿತ್ತಿದ್ದಾರೆ.

Sandakan had a golden opportunity to run out Smith! #AUSvSL pic.twitter.com/E7AsOwEjSJ

— cricket.com.au (@cricketcomau) October 30, 2019