ಬೆಂಗಳೂರು, ಆ. 14 : ಸಸ್ಯಾಹಾರಿಗಳ ಸಂಜೀವಿನಿ ಎಂದು ಕರೆಯಲ್ಪಡುವ ಪಾಲಾಕ್ ಸೊಪ್ಪಿನಲ್ಲಿ ಬಹಳಷ್ಟು ಉಪಯೋಗಕಾರಿ ಅಂಶಗಳಿವೆ. ನಮ್ಮ ದೇಹದ ಆರೋಗ್ಯ ಸಧೃಡವಾಗಿಟ್ಟುಕೊಳ್ಳಲು ಪಾಲಾಕ್ ಸೊಪ್ಪು ಬಹಳ ಪ್ರಯೋಜನಕಾರಿ ಎನ್ನಲಾಗಿದೆ. ಇಂತಹ ಬಹುಉಪಯೋಗಿ ಪಾಲಾಕ್ ಸೊಪ್ಪಿನ ಬಗ್ಗೆ ಕೆಲವೊಂದಿಷ್ಟು ಮಾಹಿತಿ ನಿಮಗಾಗಿ. ಇತ್ತೀಚಿನ ಪೀಳಿಗೆಯಲ್ಲಿ ತಲೆನೋವಿನ ಸಮಸ್ಯೆಯಾಗಿರುವ ತೂಕ ಇಳಿಸುವಿಕೆಗೆ ಉತ್ತಮ ಪರಿಹಾರ ಪಾಲಾಕ್ ಸೊಪ್ಪಾಗಿದೆ. ಹೌದು, ಪಾಲಾಕ್ ಸೇವನೆಯಿಂದ ನಿಮ್ಮ ಚಯಾಪಚಯ ಕ್ರಿಯೆ ಸುಲಭವಾಗಿ ಆಗಲು ಸಹಾಯಕಾರಿಯಾಗಿದ್ದು, ನಿಮ್ಮ ದೇಹದಲ್ಲಿನ ಕೊಬ್ಬನ್ನು ಕರಗಿಸುತ್ತದೆ. ಪಾಲಾಕ್ ಸೊಪ್ಪಿನ ಸೇವನೆಯ ಜೊತೆಗೆ ವ್ಯಾಯಾಮ ಮಾಡುವುದನ್ನು ಮಾತ್ರ ಮರೆಯಬೇಡಿ.
ಪಾಲಾಕನನ್ನು ತಿನ್ನುವುದರಿಂದ ಹೃದಯಾಘಾತವಾಗುವ ಸಾಧ್ಯತೆಗಳನ್ನು ಬಹುತೇಕ ಕಡಿಮೆ ಮಾಡಬಹುದು ಎಂದು ವೈಜ್ಞಾನಿಕ ಸಂಶೋಧನೆ ತಿಳಿಸುತ್ತದೆ.