ಪ್ರಗ್ನೆನ್ಸಿ ಸಮಯದಲ್ಲಿ ಹೆಚ್ಚಿನ ಮಹಿಳೆಯರಲ್ಲಿ ತಲೆನೋವು ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಇದು ಮಾನಸಿಕವಾಗಿ ತುಂಬಾ ಹಿಂಸೆ ನೀಡುತ್ತದೆ, ಈ ರೀತಿಯ ತಲೆನೋವಿನ ಕಾರಣಕ್ಕೆ ಸಿಟ್ಟು, ಕಿರಿಕಿರಿ ಉಂಟಾಗುತ್ತದೆ.
ಗರ್ಭಿಣಿಯರಿಗೆ ಈ ರೀತಿ ತಲೆನೋವು ಕಾಡಲು ಕಾರಣವೇನು? ಅದಕ್ಕೆ ಪರಿಹಾರವೇನು? ಇಲ್ಲಿದೆ ನೋಡಿ
ಹಾರ್ಮೋನ್ ಬದಲಾವಣೆ: ಗರ್ಭಿಣಿಯಾದ ಸಮಯದಲ್ಲಿ ಹಾರ್ಮೋನ್ ಪ್ರಮಾಣ ಹೆಚ್ಚುತ್ತದೆ. ಇದರಿಂದ ದೇಹದಲ್ಲಿ ರಕ್ತ ಸಂಚಾರ ಹೆಚ್ಚುತ್ತದೆ. ಹಾಗಾಗಿ ತಲೆನೋವು ಕಾಣಿಸಿಕೊಳ್ಳುತ್ತದೆ.
ಇದಕ್ಕಾಗಿ ಕುತ್ತಿಗೆ ಸುತ್ತ, ಭುಜಕ್ಕೆ ಲೈಟ್ ಆಗಿ ಮಸಾಜ್ ಮಾಡಿ. ದೀರ್ಘ ಉಸಿರಾಟದ ಯೋಗ ಕೂಡ ಮಾಡಬಹುದು. ಈ ರೀತಿಯ ತಲೆನೋವು ಮೂರು ತಿಂಗಳ ಕೊನೆಯಲ್ಲಿ ಕಾಣಿಸಿಕೊಳ್ಳುತ್ತದೆ.
ರಕ್ತದ ಪ್ರಮಾಣ ಹೆಚ್ಚುತ್ತದೆ: ಪ್ರಗ್ನೆನ್ಸಿ ಸಮಯದಲ್ಲಿ ರಕ್ತದ ವಾಲ್ಯೂಮ್ ಹೆಚ್ಚುತ್ತದೆ. ಪ್ಲಾಸ್ಮಾ, ಕೆಂಪು ರಕ್ತಕಣಗಳು ಹಾಗೆ ಪ್ರೊಟೀನ್ ಮಟ್ಟದಲ್ಲಿ ಏರಿಕೆಯಾಗುತ್ತದೆ. ಹೀಗಾಗಿ ದೇಹ ಈ ಬದಲಾವಣೆಗೆ ಅಡ್ಜೆಸ್ಟ್ ಆಗುವ ಸಂದರ್ಭದಲ್ಲಿ ತಲೆ ನೋವು ಕಾಣಿಸಿಕೊಳ್ಳುತ್ತದೆ. ಈ ರೀತಿಯ ತಲೆನೊವು ಗರ್ಭಿಣಿಯಾದ ಮೊದಲ ತಿಂಗಳಿನಲ್ಲಿ ಅಥವಾ ಮೂರನೇ ತಿಂಗಳಿನಲ್ಲಿ ಕಾಣಿಸಿಕೊಳ್ಳುತ್ತದೆ.
ರಕ್ತದಲ್ಲಿ ಸಕ್ಕರೆ ಪ್ರಮಾಣ: ಪ್ರಗ್ನೆನ್ಸಿ ಸಮಯದಲ್ಲಿ ಉಂಟಾಗುವ ವಾಕರಿಗೆ, ತಲೆಸುತ್ತು, ಹಾರ್ಮೋನ್ಗಳಲ್ಲಿ ಬದಲಾವಣೆ, ಇವು ರಕ್ತದಲ್ಲಿ ಸಕ್ಕರೆ ಪ್ರಮಾಣ ಹೆಚ್ಚಲು ಕಾರಣವಾಗುತ್ತದೆ. ಹಾಗಾಗಿ ನಿಮ್ಮ ಆಹಾರದಲ್ಲಿ ಆರೋಗ್ಯಕರ ಬೆಳೆ ಕಾಳು, ಪ್ರೊಟೀನ್, ಕಾರ್ಬೋಹೈಡ್ರೇಟ್ ಆಹಾರ ಹಾಗೆ ತರಕಾರಿಗಳನ್ನು ಸೇರಿಸಿಕೊಳ್ಳಿ. ಈ ಕಾರಣಕ್ಕೆ ಬರುವ ತಲೆನೋವು ಪ್ರಗ್ನೆನ್ಸಿಯಲ್ಲಿ ಸಾಮಾನ್ಯ.
ಸೈನಸ್ ಅಥವಾ ಮೂಗು ಕಟ್ಟುವುದು: ಸೈನಸ್ ಒತ್ತಡ, ಮೂಗು ಕಟ್ಟುವುದರಿಂದ ಕೂಡ ತಲೆ ನೋವು ಕಾಣಿಸಿಕೊಳ್ಳುತ್ತದೆ. ಇದರಿಂದ ಕುತ್ತಿಗೆ, ಕಿವಿ ಸಮೀಪ ಕೂಡ ನೋವು ಕಾಣಿಸಿಕೊಳ್ಳಬಹುದು. ಸೈನಸ್ ಸಮಸ್ಯೆ ಮುಂದೆ ಮೈಗ್ರೇನ್ ಕೂಡ ಆರಂಭವಾಗುವ ಸಾಧ್ಯತೆ ಇರುವುದರಿಂದ ಇದಕ್ಕೆ ಬೇಗ ಪರಿಹಾರ ಕಂಡುಕೊಳ್ಳುವುದು ಉತ್ತಮ. ಹಾಗಾಗಿ ವಿಟಮಿನ್ ಸಿ ಅಂಶವಿರುವ ಆಹಾರವನ್ನು ಹೆಚ್ಚು ಸೇವಿಸಿ.
ನಿರ್ಜಲೀಕರಣ: ಪ್ರಗ್ನೆನ್ಸಿ ಸಮಯದಲ್ಲಿ ಹೆಚ್ಚು ನೀರು ಸೇವನೆ ಅಗತ್ಯ. ಪದೇ ಪದೇ ವಾಂತಿಯಾಗುವುದು, ಸುಸ್ತು, ಆಹಾರ ಸೇವಿಸಲು ಬಾಯಿ ರುಚಿ ಇಲ್ಲದಿರುವುದು ಇವೆಲ್ಲವೂ ಡಿಹೈಡ್ರೇಶನ್ಗೆ ಕಾರಣವಾಗುತ್ತವೆ. ಇದರಿಂದ ತಲೆ ನೋವು ಆರಂಭವಾಗುವುದು ಖಚಿತ. ಆದ್ದರಿಂದ ನೀರಿನಾಂಶ ಹೆಚ್ಚಿರುವ ಆಹಾರ ಪದಾರ್ಥಗಳನ್ನು ಹೆಚ್ಚು ಸೇವಿಸಿ. ಎಂದಿಗೂ ಒಂದು ವಾಟರ್ ಬಾಟಲ್ ನಿಮ್ಮ ಜೊತೆ ಇರಲಿ.
ಮಸಲ್ಸ್ಗಳಲ್ಲಿ ನೋವು: ಪ್ರಗ್ನೆನ್ಸಿ ಸಮಯದಲ್ಲಿ ಮಾಂಶಖಂಡಗಳು ಹಿಗ್ಗುತ್ತವೆ. ಹಾಗಾಗಿ ನೋವು ಕಾಣಿಸಿಕೊಳ್ಳುವುದು ಸಾಮಾನ್ಯವಾಗುತ್ತವೆ. ಇದರಿಂದ ಸುಸ್ತು, ಅಶಕ್ತತೆ, ಹಾಗೆ ತಲೆನೋವು ಕೂಡ ಕಾಣಿಸಿಕೊಳ್ಳುತ್ತದೆ. ಈ ಕಾರಣಕ್ಕೆ ತಲೆನೋವು ಬಂದಾಗ, ಬೆಚ್ಚಗಿನ ನೀರಿನಿಂದ ಸ್ನಾನ ಮಾಡಿ. ನಿಮಗೆ ರಿಲ್ಯಾಕ್ಸ್ ಸಿಗುತ್ತದೆ.
