ಬೆಂಗಳೂರು: ಇತ್ತೀಚಿನ ದಿನಗಳಲ್ಲಿ ಪ್ಯಾನ್‌ ಇಂಡಿಯಾ ಸಿನಿಮಾಗಳು ಹೆಚ್ಚುತ್ತಾಯಿದೆ. ಅದರಲ್ಲಿಯೂ ಸಹ ಇಂದು ವಾರದಲ್ಲಿ ಘಟಾನು ಘಟಿಗಳ ಸಿನಿಮಾ ರೀಲೀಸ್‌ ಆಗುತ್ತಾದೆ.
ಈ ವರ್ಷ ಶಾರುಖ್ ಖಾನ್ ಅವರು ‘ಜವಾನ್’, ‘ಪಠಾಣ್’ ಸಿನಿಮಾ ಮೂಲಕ ಮಾಸ್ ಪ್ರೇಕ್ಷಕರಿಗೆ ಮನರಂಜನೆ ನೀಡಿದ್ದರು. ಹಾಗಂತ ಒಂದೇ ಮಾದರಿಯ ಸಿನಿಮಾಗೆ ಅವರು ಗಂಟು ಬಿದ್ದಿಲ್ಲ. ಈಗ ತೆರೆಕಂಡಿರುವ ‘ಡಂಕಿ’ ಚಿತ್ರ ಸಖತ್ ಕ್ಲಾಸ್ ಆಗಿದೆ. ಇದರ ಕಥಾನಾಯಕ ಒಬ್ಬ ಸೂಪರ್ ಹೀರೋ ಅಲ್ಲ. ಜನಸಾಮಾನ್ಯರ ನಡುವಿನ ವ್ಯಕ್ತಿಯ ರೀತಿ ಆ ಪಾತ್ರ ಇದೆ.
ನಟ ಶಾರುಖ್ ಖಾನ್ ಅವರು ಮೊದಲ ಬಾರಿಗೆ ನಿರ್ದೇಶಕ ರಾಜ್ಕುಮಾರ್ ಹಿರಾನಿ ಜೊತೆ ಕೈ ಜೋಡಿಸಿದ ಕಾರಣದಿಂದ ‘ಡಂಕಿ’ ಸಿನಿಮಾ ನಿರೀಕ್ಷೆ ಮೂಡಿಸಿತ್ತು. ಇಂದು ಈ ಸಿನಿಮಾ ಬಿಡುಗಡೆ ಆಗಿದೆ. ಕ್ಲಾಸ್ ಪ್ರೇಕ್ಷಕರನ್ನು ಗಮನದಲ್ಲಿ ಇಟ್ಟುಕೊಂಡು ಈ ಚಿತ್ರ ಮಾಡಲಾಗಿದೆ. ಹೆಚ್ಚಿನ ಮಸಾಲೆ ಅಂಶಗಳನ್ನು ಬಳಸಿಕೊಳ್ಳದೇ ಒಂದು ಕ್ಲಾಸ್ ಸಿನಿಮಾ ನೀಡುವಲ್ಲಿ ನಿರ್ದೇಶಕ ರಾಜ್ಕುಮಾರ್ ಹಿರಾನಿ ಅವರು ಯಶಸ್ವಿ ಆಗಿದ್ದಾರೆ. ಶಾರುಖ್ ಖಾನ್ ಮಾತ್ರವಲ್ಲದೇ ಇತರೆ ಪಾತ್ರಧಾರಿಗಳೂ ‘ಡಂಕಿ’ ಸಿನಿಮಾದಲ್ಲಿ ಮಿಂಚಿದ್ದಾರೆ.
ಹಾರ್ಡಿ ಸಿಂಗ್ ದಿಲೋನ್ ಎಂಬ ಮಾಜಿ ಸೈನಿಕನ ಪಾತ್ರದಲ್ಲಿ ಶಾರುಖ್ ಖಾನ್ ನಟಿಸಿದ್ದಾರೆ. ಅಚಾನಕ್ ಆಗಿ ಅವರಿಗೆ ಒಂದು ಗೆಳೆಯರ ಗುಂಪು ಸಿಗುತ್ತದೆ. ಹೇಗಾದರೂ ಮಾಡಿ ಲಂಡನ್ಗೆ ಹೋಗಬೇಕು ಎಂಬುದು ಅವರೆಲ್ಲರ ಕನಸು. ಆದರೆ ವೀಸಾ ಸಿಗುವುದು ಕಷ್ಟ. ಹಾಗಾಗಿ ಕಳ್ಳದಾರಿಯ ಮೂಲಕ ದೇಶದ ಗಡಿದಾಟುವ ಸಾಹಸಕ್ಕೆ ಅವರೆಲ್ಲ ಮುಂದಾಗುತ್ತಾರೆ. ಅಂತಿಮವಾಗಿ ಅವರು ಲಂಡನ್ಗೆ ತೆರಳುತ್ತಾರಾ? ಅಲ್ಲಿ ಅವರು ಅಂದುಕೊಂಡಿದ್ದು ಈಡೇರುತ್ತೋ ಅಥವಾ ಇಲ್ಲವೋ ಎಂಬುದು ‘ಡಂಕಿ’ ಸಿನಿಮಾದ ಕಥೆ. ಇದರೊಳಗೆ ಸ್ನೇಹದ ಕಹಾನಿಯೂ ಇದೆ. ಮನಸ್ಸಿಗೆ ಇಷ್ಟವಾಗುವಂತಹ ಒಂದು ಲವ್ಸ್ಟೋರಿಯೂ ಇದೆ.
