ಮುಂಬೈ, ಸೆ.10 : ನಟಿ, ರಾಜಕಾರಣಿ ಊರ್ಮಿಳಾ ಮಾತೋಂಡ್ಕರ್ ಕಾಂಗ್ರೆಸ್ ಪಕ್ಷಕ್ಕೆ ಮಂಗಳವಾರ ರಾಜೀನಾಮೆ ನೀಡಿದ್ದಾರೆ. ‘ಮೇ 16ರ ನಂತರ ಪತ್ರಕ್ಕೆ ಯಾವುದೇ ಪ್ರತಿಕ್ರಿಯೆ ಇಲ್ಲದೆ ಇದ್ದಾಗ, ನಿರಂತರ ಪ್ರಯತ್ನಗಳನ್ನು ನಡೆಸಿದ ಹೊರತಾಗಿಯೂ ಯಾವ ಸ್ಪಂದನವಿಲ್ಲದಿದ್ದಾಗ ನನಗೆ ಮೊದಲ ಬಾರಿಗೆ ರಾಜೀನಾಮೆಯ ಆಲೋಚನೆ ಬಂದಿತ್ತು’ ಎಂದವರು ಹೇಳಿದ್ದಾರೆ. ‘ಪಕ್ಷದೊಳಗಿನ ಪಟ್ಟಭದ್ರ ಹಿತಾಸಕ್ತಿ ಮತ್ತು ಚಿಲ್ಲರೆ ಆಂತರಿಕ ರಾಜಕೀಯ’ದ ಕಾರಣ ನೀಡಿ. ಕಳೆದ ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿಯಾಗಿ ಮುಂಬೈ ಉತ್ತರ ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧಿಸಿದ್ದ ಊರ್ಮಿಳಾ ಸೋಲನುಭವಿಸಿದ್ದರು.