ಬೆಂಗಳೂರು: ಆರೋಗ್ಯದ ದೃಷ್ಟಿಯಿಂದ ನೈಸರ್ಗಿಕ ಟೀಗಳನ್ನು ಕುಡಿಯುವುದು ಇಂದು ಫ್ಯಾಶನ್ ಆಗಿದೆ. ಗ್ರೀನ್ ಟೀ, ಬ್ಲಾಕ್ ಟೀ, ಶುಗರ್ ಫ್ರೀ ಟೀ, ಲೆಮನ್ ಟೀ ಸೇರಿದದಂತೆ ಹಲವಾರು ವಿಧದ ಟೀಗಳಿವೆ. ಹಲವಾರು ಪ್ರಯೋಜನಗಳ ಹೊಂದಿರುವ ಟೀಗಳ ಸೇವನೆಯಿಂದ ನಿಮ್ಮ ಆರೋಗ್ಯ ಉತ್ತಮವಾಗಿರುತ್ತದೆ. ಈ ಪೈಕಿ ಲವಂಗ ಟೀ ಸಹ ಒಂದಾಗಿದೆ.
ಲವಂಗ ಮಸಾಲೆ ಪದಾರ್ಥ ಮಾತ್ರವಲ್ಲದೆ ಅನೇಕ ಔಷಧೀಯ ಗುಣಗಳನ್ನು ಕೂಡ ಹೊಂದಿದೆ. ಲವಂಗದ ಟೀ ಸೇವನೆ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಲವಂಗದ ಟೀ ಉತ್ಕರ್ಷಣ ನಿರೋಧಕಗಳನ್ನು ಹೊಂದಿದೆ. ಲವಂಗ ಚಹಾವು ನಿಮ್ಮ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ.
ಲವಂಗವು ಬಾಯಿಯ ಸಮಸ್ಯೆಗಳಿಗೆ ಸಾಂಪ್ರದಾಯಿಕ ಪರಿಹಾರವಾಗಿದೆ. ಲವಂಗ ಚಹಾವು ಈ ಪರಂಪರೆಯನ್ನು ಮುಂದುವರೆಸಿದೆ. ಇದು ಬಾಯಿಯ ಕೆಟ್ಟ ವಾಸನೆಯಿಂದ ಪರಿಹಾರವನ್ನು ನೀಡುತ್ತದೆ ಮತ್ತು ಬಾಯಿಯ ಆರೋಗ್ಯವನ್ನು ಉತ್ತೇಜಿಸುತ್ತದೆ.
ಲವಂಗದ ಚಹಾ ಅಜೀರ್ಣ, ಹೊಟ್ಟೆ ಉಬ್ಬುವುದು ಮತ್ತು ಗ್ಯಾಸ್ಟ್ರಿಕ್ ಅನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಇದನ್ನು ಊಟದ ನಂತರ ಸೇವಿಸುವುದು ಅತ್ಯುತ್ತಮ. ಲವಂಗದಲ್ಲಿರುವ ಯುಜೆನಾಲ್ ಸಂಯುಕ್ತವು ಜೀರ್ಣಕಾರಿ ಕಿಣ್ವ ಸ್ರವಿಸುವಿಕೆಗೆ ಸಹಾಯ ಮಾಡುತ್ತದೆ. ಇದರಿಂದ ಜೀರ್ಣಕ್ರಿಯೆ ಪ್ರಕ್ರಿಯೆ ಸುಗಮವಾಗುತ್ತದೆ.
