ಬೆಂಗಳೂರು, ಮೇ. 25, ನ್ಯೂಸ್ ಎಕ್ಸ್ ಪ್ರೆಸ್: ಸಿನಿಮಾ ಸ್ಟಾರ್ಗಳ ಹುಟ್ಟುಹಬ್ಬ ಅಂದ್ರೆ ಅಭಿಮಾನಿಗಳಿಗೆ ಪಾಲಿಗೆ ದೊಡ್ಡ ಹಬ್ಬವಿದ್ದಂತೆ. ಅಚ್ಚುಮೆಚ್ಚಿನ ನಟನ ಬರ್ತಡೇಯನ್ನು ದೊಡ್ಡ ಕಟೌಟ್ ಹಾಕಿ, ಉಡುಗೊರೆ ನೀಡೋ ಮೂಲಕ ಸಂಭ್ರಮ ಪಡ್ತಾರೆ.
ಇದೀಗ ಸ್ಯಾಂಡಲ್ವುಡ್ ಕಿಂಗ್ ಸೆಂಚುರಿಸ್ಟಾರ್ ಶಿವರಾಜ್ಕುಮಾರ್ ಬರ್ತಡೇಗೆ ಕೆಲ ದಿನಗಳಷ್ಟೇ ಬಾಕಿ ಇವೆ. ಹಾಗಾಗಿ ಅಭಿಮಾನಿಗಳಿಂದ ಅದ್ಧೂರಿ ಆಚರಣೆಗೆ ತಯಾರಿ ನಡೀತಿದೆ. ವಿಶೇಷ ಅಂದ್ರೆ ಕಳೆದ ಬಾರಿ ಶಿವಣ್ಣನ ಅಭಿಮಾನೋತ್ಸವ ಹೆಸರಲ್ಲಿ ಬರ್ತ್ ಡೇ ಸೆಲೆಬ್ರೇಟ್ ಮಾಡಿದ್ದ ಫ್ಯಾನ್ಸ್ ಈ ಬಾರಿ ವಿಭಿನ್ನವಾಗಿ ಆಚರಿಸೋಕೆ ಪ್ಲಾನ್ ರೂಪಿಸಿದ್ದಾರೆ. ಅಲ್ಲದೇ ಶಿವಣ್ಣನಿಗೆ ಸರ್ಪ್ರೈಸ್ ಗಿಫ್ಟ್ ನೀಡೋ ಸಲುವಾಗಿ ವಿಶೇಷ ಹಾಡೊಂದನ್ನು ರೆಡಿ ಮಾಡ್ತಿದ್ದಾರೆ.