ಫೆ.28, ನ್ಯೂಸ್ ಎಕ್ಸ್ ಪ್ರೆಸ್: ಇಂಗ್ಲೆಂಡ್ ಹಾಗು ವೆಸ್ಟ್ ಇಂಡೀಸ್ ನಡುವಿನ ಏಕದಿನ ಸರಣಿಯ 4ನೇ ಪಂದ್ಯ, ಹಲವು ಮಹತ್ವದ ದಾಖಲೆಗಳಿಗೆ ಸಾಕ್ಷಿಯಾಗಿದೆ. ಈ ಪಂದ್ಯದಲ್ಲಿ ಟಾಸ್ ಗೆದ್ದ ಇಂಗ್ಲೆಂಡ್, ನಾಯಕ ಇಯಾನ್ ಮಾರ್ಗನ್ ಹಾಗು ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ಜಾಸ್ ಬಟ್ಲರ್ರ ಅಬ್ಬರದ ಆಟದಿಂದಾಗಿ ನಿಗದಿತ 50 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 418 ರನ್ಗಳ ಬೃಹತ್ ಮೊತ್ತವನ್ನು ದಾಖಲಸಿತು.ಮಾರ್ಗನ್ 88 ಎಸೆತಗಳಲ್ಲಿ 8 ಬೌಂಡರಿ ಹಾಗು 6 ಭರ್ಜರಿ ಸಿಕ್ಸರ್ ನೆರವಿನಿಂದ, 103 ರನ್ ಬಾರಿಸಿದರು. ಸಿಡಿಲಬ್ಬರದ ಬ್ಯಾಟಿಂಗ್ ಮೂಲಕ ವಿಂಡೀಸ್ ಬೌಲರ್ಗಳ ಮೇಲೆ ಬಟ್ಲರ್ ದಂಡಯಾತ್ರೆ ಮಾಡಿದರು. ಕೇವಲ 77 ಎಸೆತಗಳಲ್ಲಿ 12 ಸಿಕ್ಸರ್ ಹಾಗು 13 ಬೌಂಡರಿಗಳಿಂದ ಸರಿಯಾಗಿ 150 ರನ್ ಸಿಡಿಸಿದರು. ಮೊದಲು 45 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದ ಬಟ್ಲರ್, ನಂತರ ಜಸ್ಟ್ 31 ಎಸೆತಗಳಲ್ಲಿ 100 ರನ್ ಬಾರಿಸಿದರು. ಗೆಲುವಿಗಾಗಿ ಬೆಟ್ಟದಂತಹ ಗುರಿ ಬೆನ್ನತ್ತಿದ ವಿಂಡೀಸ್ ಕೂಡ, ರನ್ ಹೊಳೆಯನ್ನೆ ಹರಿಸಿತು.ಓಪನರ್ ಬ್ಯಾಟ್ಸ್ಮನ್, ಯೂನಿವರ್ಸಲ್ ಬಾಸ್ ಕ್ರಿಸ್ ಗೇಲ್, ಅಬ್ಬರಿಸಿದರು. 51 ಎಸತಗಳಲ್ಲಿ ಶತಕದ ಗಡಿ ತಲುಪಿದರು. ಈ ಮೂಲಕ ತಮ್ಮ ಏಕದಿನ ಕ್ರಿಕೆಟ್ ಕರಿಯರ್ನಲ್ಲಿ ಅತಿವೇಗದ ಶತಕ ದಾಖಲಿಸಿದರು. 97 ಎಸೆತಗಳನ್ನ ಎದುರಿಸಿದ ಗೇಲ್ 14 ಭರ್ಜರಿ ಸಿಕ್ಸರ್ಗಳು, 11 ಬೌಂಡರಿಗಳ ಮೂಲಕ 162 ರನ್ಗಳನ್ನು ಹೋಡೆದರು. ಆದರೆ ಗೇಲ್ರ ಸ್ಫೋಟಕ ಶತಕದಿಂದಾಗಿ, 29 ರನ್ಗಳಿಂದ ವಿಂಡೀಸ್ ಗೆ ಸೋತು ಶರಣಾದರು.
ಒಟ್ಟು ಪಂದ್ಯದಲ್ಲಿ 46 ಸಿಕ್ಸರ್ಗಳು ಹರಿದು ಬಂದವು. ವಿಶ್ವಕ್ರಿಕೆಟ್ನ ಏಕದಿನ ಪಂದ್ಯವೊಂದರಲ್ಲಿ ದಾಖಲಾದ ಅತಿಹೆಚ್ಚು ಸಿಕ್ಸರ್ಗಳು. ಇದಕ್ಕೂ ಮೊದಲು 2013ರಲ್ಲಿ ಟೀಮ್ ಇಂಡಿಯಾ- ಆಸ್ಟ್ರೇಲಿಯಾ ನಡುವಿನ ಪಂದ್ಯದಲ್ಲಿ ಅತ್ಯಧಿಕ ಸಿಕ್ಸರ್ಗಳು ದಾಖಲಾಗಿದ್ದವು.
ಈ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡವು 24 ಸಿಕ್ಸರ್ ಬಾರಿಸಿತು. ಈ ಮೂಲಕ ಏಕದಿನ ಪಂದ್ಯದಲ್ಲಿ ಅತ್ಯಧಿಕ ಸಿಕ್ಸರ್ಗಳನ್ನ ಬಾರಿಸಿದ ತಂಡ ಎಂಬ ಹೆಗ್ಗಳಿಕೆ ತನ್ನದಾಗಿಸಿಕೊಂಡಿದೆ. ಅಲ್ಲದೇ ಇದೇ ಸರಣಿಯ ಮೊದಲ ಪಂದ್ಯದಲ್ಲಿ ವಿಂಡೀಸ್ ಬಾರಿಸಿದ್ದ, 23 ಸಿಕ್ಸರ್ಗಳ ದಾಖಲೆಯನ್ನ ಅಳಸಿ ಹಾಕಿತು.
807, ಪಂದ್ಯದಲ್ಲಿ ಒಟ್ಟಾರೆ ದಾಖಲಾದ ರನ್ಸ್. ಇದು ಏಕದಿನ ಮಾದರಿಯ 3ನೇ ಹೈ ಸ್ಕೋರಿಂಗ್ ಮ್ಯಾಚ್. 2009 ರಲ್ಲಿ ಟೀಮ್ ಇಂಡಿಯಾ- ಆಸ್ಟ್ರೇಲಿಯಾ, 2006ರಲ್ಲಿ ಆಸ್ಟ್ರೇಲಿಯಾ- ಸೌತ್ ಆಫ್ರಿಕಾ ನಡುವಿನ ಪಂದ್ಯಗಳು ಕ್ರಮವಾಗಿ ಮೊದಲೆರಡು ಸ್ಥಾನದಲ್ಲಿವೆ. ಇನ್ನು ಜಾಸ್ ಬಟ್ಲರ್ 12 ಸಿಕ್ಸರ್ ಬಾರಿಸುವ ಮೂಲಕ, ತಮ್ಮ ಏಕದಿನ ಕ್ರಿಕೆಟ್ ಕರಿಯರ್ನ ಪಂದ್ಯವೊಂದರಲ್ಲಿ ಅತಿಹೆಚ್ಚು ಸಿಕ್ಸರ್ಗಳನ್ನ ಬಾರಿಸಿ ಸಾಧನೆ ಗೈದರು.ಏಕದಿನ ಕ್ರಿಕೆಟ್ನಲ್ಲಿ ಇಂಗ್ಲೆಂಡ್ ಪರ 6 ಸಾವಿರ ರನ್ ಮೈಲಿಗಲ್ಲು ತಲಪಿದ ಮೊದಲ ಬ್ಯಾಟ್ಸ್ಮನ್ ಎಂಬ ದಾಖಲೆಗೆ ಇಯಾನ್ ಮಾರ್ಗನ್ ಪಾತ್ರರಾದರು.
