ಬೆಂಗಳೂರು: ಈ ಬಾರಿಯ ಬೇಸಿಗೆ ಹಿಂದೆಂದಿಗಿಂತಲೂ ಪ್ರಕರವಾಗಿದೆ. ನಿರಂತರ ಬಾಯಾರಿಕೆ ತಣಿಸಲು ತಣ್ಣೀರು ಕುಡಿಯುವ ಹಂಬಲವೂ ಇದೆ. ಮಣ್ಣಿನ ಮಡಕೆ ಅಥವಾ ಮಟ್ಕಾವನ್ನು ಭಾರತದಲ್ಲಿ ಪ್ರಾಚೀನ ಕಾಲದಿಂದಲೂ ಕುಡಿಯುವ ನೀರನ್ನು ಸಂಗ್ರಹಿಸಲು ಬಳಸಲಾಗುತ್ತದೆ. ಇಲ್ಲಿಯವರೆಗೆ, ಅನೇಕ ಕುಟುಂಬಗಳು ಇದನ್ನು ಪ್ರಧಾನವಾಗಿ ಬಳಸುತ್ತಾರೆ. ವಿಶೇಷವಾಗಿ ಬೇಸಿಗೆಯಲ್ಲಿ ಹೆಚ್ಚು ಬಳಸುತ್ತಾರೆ. ನಾವು ಎಷ್ಟೇ ತಂಪು ನೀರು ಕುಡಿಯುತ್ತೇವೆ ಎಂದರು ನಮಗೆ ಬೇಸಿಗೆಯ ಶಾಖಕ್ಕೆ ಬಿಸಿನೀರನ್ನೇ ಕುಡಿದ ಹಾಗಾಗುತ್ತದೆ. ಹಾಗಾಗಿ ಮಡಿಕೆಯ ನೀರಷ್ಟು ತಂಪು ಯಾವುದು ಇಲ್ಲ.

ಬೇಸಿಗೆಯಲ್ಲಿ ಹಲವು ಬಾರಿ ಮಣ್ಣು ಅಥವಾ ಮಟ್ಕಾ ನೀರು ಕುಡಿಯಬೇಕು. ಇಂದು, ಬಹುತೇಕ ಪ್ರತಿಯೊಂದೂ ಮನೆಯಲ್ಲೂ ರೆಫ್ರಿಜರೇಟರ್‌ಗಳನ್ನು ಬಳಸುತ್ತಿರುವಾಗ, ಮಣ್ಣಿನ ಮಡಿಕೆಗಳ ಬಳಕೆ ಕಡಿಮೆಯಾಗಿದೆ. ಆದರೆ ಆರೋಗ್ಯದ ದೃಷ್ಟಿಯಿಂದ ಮಣ್ಣಿನ ಮಡಿಕೆಯಲ್ಲಿಟ್ಟ ನೀರು ಕುಡಿಯುವುದು ಉತ್ತಮ.

ಗಂಟಲನ್ನು ಸರಿಯಾಗಿರಿಸುತ್ತದೆ

ಮಣ್ಣಿನ ಮಡಿಕೆಯಲ್ಲಿ ಇರಿಸಲಾದ ನೀರು ಗಂಟಲಿಗೆ ಒಳ್ಳೆಯದು. ಆದರಿಂದ ಶೀತ, ಕೆಮ್ಮು ಮತ್ತು ಅಸ್ತಮಾದಿಂದ ಬಳಲುತ್ತಿರುವವರು ಗಂಟಲಿಗೆ ಮಟ್ಕಾ ನೀರು ಉತ್ತಮವಾಗಿರುವುದರಿಂದ, ತಣ್ಣನೆಯ ಫ್ರಿಡ್ಜ್ ನೀರಿನ ಬದಲು ಮಟ್ಕಾ ನೀರನ್ನು ಕುಡಿಯಬೇಕು.

ಹಾನಿಕಾರಕ ರಾಸಾಯನಿಕಗಳಿಲ್ಲ

ಪ್ಲಾಸ್ಟಿಕ್ ಬಾಟಲಿಗಳು ಬಿಪಿಎಯಂತಹ ವಿಷಕಾರಿ ರಾಸಾಯನಿಕಗಳನ್ನು ಹೊಂದಿರುತ್ತವೆ. ಇಂತಹ ಪರಿಸ್ಥಿತಿಯಲ್ಲಿ ಮಣ್ಣಿನ ಮಡಿಕೆಯಲ್ಲಿ ನೀರನ್ನು ಇಡುವುದು ಉತ್ತಮ. ಏಕೆಂದರೆ ಇದು ನೀರನ್ನು ಸಮೃದ್ಧಗೊಳಿಸುವುದಲ್ಲದೆ, ಅದು ಕಲುಷಿತಗೊಳಿಸುವುದಿಲ್ಲ.

ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ

ನಿಯಮಿತವಾಗಿ ಮಡಕೆ ನೀರನ್ನು ಕುಡಿದರೆ, ಜೀರ್ಣಾಂಗ ವ್ಯವಸ್ಥೆಯನ್ನು ಸುಧಾರಿಸುತ್ತದೆ. ಪ್ಲಾಸ್ಟಿಕ್ ಬಾಟಲಿ ನೀರಿನಲ್ಲಿ ಪ್ಲಾಸ್ಟಿಕ್ ಕಲ್ಮಶಗಳೂ ಕರಗುತ್ತವೆ. ಪ್ಲಾಸ್ಟಿಕ್ ಬಾಟಲಿಯಲ್ಲಿ ಇಟ್ಟಿರುವ ನೀರು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಮಣ್ಣಿನ ಮಡಿಕೆ ನೀರಿಗೆ ಸಾಕಷ್ಟು ರೋಗಗಳ ವಿರುದ್ಧ ಹೋರಾಡುವ ಸಾಮರ್ಥ್ಯವಿದೆ.

ದೇಹಕ್ಕೆ ಪ್ರಯೋಜನಕಾರಿ

ಪಾತ್ರೆಗಳನ್ನು ತಯಾರಿಸಲು ಬಳಸುವ ಮಣ್ಣಿನಲ್ಲಿ ಖನಿಜಗಳು ಮತ್ತು ವಿದ್ಯುತ್ಕಾಂತೀಯ ಶಕ್ತಿ ಸಮೃದ್ಧವಾಗಿವೆ. ಆದ್ದರಿಂದ ಮಣ್ಣಿನ ಮಡಕೆ ನೀರನ್ನು ಕುಡಿದಾಗ, ಅದು  ದೇಹಕ್ಕೆ ಪ್ರಯೋಜನಕಾರಿ.

ಶಾಖ ತಡೆಯುತ್ತದೆ

ಸುಡುವ ಬೇಸಿಗೆ ತಿಂಗಳುಗಳಲ್ಲಿ ಶಾಖದ ಹೊಡೆತವು ಸಾಮಾನ್ಯ ಸಮಸ್ಯೆ. ಮಣ್ಣಿನ ಮಡಕೆ ನೀರನ್ನು ಕುಡಿಯುವುದು ಬೇಗೆಯನ್ನು ಎದುರಿಸಲು ಸಹಾಯ ಮಾಡುತ್ತದೆ, ಏಕೆಂದರೆ ಮಣ್ಣಿನ ಮಡಿಕೆ ಸಮೃದ್ಧ ಖನಿಜಗಳು ಮತ್ತು ಪೋಷಕಾಂಶಗಳನ್ನು ಉಳಿಸಿಕೊಳ್ಳುತ್ತದೆ ಮತ್ತು ತ್ವರಿತ ಮರು ಜಲೀಕರಣಕ್ಕೆ ಸಹಾಯ ಮಾಡುತ್ತದೆ.

ಕ್ಷಾರೀಯ ಗುಣಗಳು

ಮನುಷ್ಯರ ದೇಹವು ಸಾಮಾನ್ಯವಾಗಿ ಆಮ್ಲೀಯ ಗುಣ ಹೊಂದಿರುತ್ತದೆ. ಮಣ್ಣು ಕ್ಷಾರೀಯ ಗುಣ ಹೊಂದಿದೆ. ಮಣ್ಣಿನ ಮಡಕೆಯನ್ನು ಸಂಗ್ರಹಿಸಿಟ್ಟ ನೀರು ದೇಹದಲ್ಲಿನ ಪಿಎಚ್ ಮಟ್ಟ ಕಾಪಾಡುವುದು. ಇದರಿಂದಾಗಿ ಅಸಿಡಿಟಿ ಮತ್ತು ಗ್ಯಾಸ್ಟ್ರಿಕ್ ಸಮಸ್ಯೆ ದೂರವಾಗುವುದು. ಮಣ್ಣಿನ ಮಡಕೆಯನ್ನು ಶೇಖರಿಸಿಟ್ಟ ನೀರು ದೇಹವನ್ನು ತಂಪಾಗಿಸಿ, ಆರೋಗ್ಯ ನೀಡುವುದು.