ಬೆಂಗಳೂರು: ಇತ್ತೀಚಿನ ದಿನಗಳಲ್ಲಿ ನಮ್ಮ ಆರೋಗ್ಯ ಕಾಪಾಡಿಕೊಳ್ಳುವುದು ತುಂಬಾ ಕಷ್ಟಕರವಾಗಿದೆ ನಾವು ಬಳಸುವಂತಹ ದಿನ ನಿತ್ಯ ಪದಾರ್ಥಗಳಲ್ಲಿ ನಮ್ಮ ಆರೋಗ್ಯ ಆಡಗಿದೆ. ಅದನ್ನು ನಾವು ಸರಿಯಾಗಿ ಬಳಸುವುದರಿಂದ ನಮ್ಮ ಆರೋಗ್ಯವನ್ನು ನಾವು ಕಾಪಾಡಿಕೊಳ್ಳಬಹುದು
ಸಸ್ಯಾಹಾರಿ ಆಹಾರವನ್ನು ತಿನ್ನೋದಕ್ಕೆ ಇಷ್ಟಪಡುವವರು ಖಂಡಿತವಾಗಿಯೂ ಮಶ್ರೂಮ್ ಇಷ್ಟಪಡ್ತಾರೆ. ಅಣಬೆಗಳ ರುಚಿ ಮಾತ್ರ ಟೇಸ್ಟಿಯಾಗಿರೋದಲ್ಲ, ಇದರಿಂದ ಆರೋಗ್ಯ ಪ್ರಯೋಜನಗಳು ಸಹ ಸಾಕಷ್ಟಿವೆ. ಅವುಗಳ ಬಗ್ಗೆ ತಿಳಿತೋಣ.
ಕಳೆದ ಕೆಲವು ವರ್ಷಗಳಲ್ಲಿ, ಆಹಾರದಲ್ಲಿ ಅಣಬೆಗಳ ಟ್ರೆಂಡ್ ವೇಗವಾಗಿ ಹೆಚ್ಚಾಗಿದೆ. ಜನರು ಇದನ್ನು ಪನೀರ್ ಗೆ ಪರ್ಯಾಯವಾಗಿ ತಿನ್ನೋದಕ್ಕೆ ಪ್ರಾರಂಭಿಸಿದ್ದಾರೆ. ಅಣಬೆಗಳನ್ನು ಇಷ್ಟಪಡದ ಅನೇಕ ಜನರು ಅದರ ಪ್ರಯೋಜನಗಳನ್ನು ತಿಳಿದ ನಂತರ, ಮತ್ತೆ ಎರಡು ಯೋಚನೆ ಮಾಡದೇನೆ ಅದನ್ನ ತಿನ್ನುತ್ತಾರೆ.
ಮಾರುಕಟ್ಟೆಯಲ್ಲಿ ಅನೇಕ ವಿಧದ ಅಣಬೆ ಅಥವಾ ಮಶ್ರೂಮ್ ಲಭ್ಯವಿದೆ. ಮುಖ್ಯವಾಗಿ ಜನರು ಇದನ್ನು ತರಕಾರಿ ಮತ್ತು ಸಲಾಡ್ ಆಗಿ ತಿನ್ನಲು ಇಷ್ಟಪಡುತ್ತಾರೆ. ಅಣಬೆಗಳ ರುಚಿ ಹೊರತಾಗಿ, ಇದು ಆರೋಗ್ಯಕ್ಕೆ ಎಷ್ಟು ಪ್ರಯೋಜನಕಾರಿಯಾಗಿದೆ.
ಅಣಬೆಗಳು ನಮ್ಮ ದೇಹದ ಮೂಳೆಗಳನ್ನು ಬಲಪಡಿಸುತ್ತವೆ. ಅಷ್ಟೇ ಅಲ್ಲ ಅಣಬೆಗಳಲ್ಲಿ ಫೈಬರ್, ವಿಟಮಿನ್-ಡಿ, ಪ್ರೋಟೀನ್, ಸತು ಮತ್ತು ಸೆಲೆನಿಯಂ ಸಮೃದ್ಧವಾಗಿದ್ದು, ಇದನ್ನು ಸೇವಿಸೋದರಿಂದ ವೃದ್ಧಾಪ್ಯದಲ್ಲಿ ಮೂಳೆಗಳು ದುರ್ಬಲವಾಗುವುದಿಲ್ಲ ಅನ್ನೋದು ತಿಳಿದು ಬಂದಿದೆ.
ಅಣಬೆಗಳು ಪೋಷಕಾಂಶಗಳ ಶಕ್ತಿ ಕೇಂದ್ರವಾಗಿದೆ. ಇದು ಶಕ್ತಿಯನ್ನು ನೀಡುವ ಮೂಲಕ ನಮ್ಮ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಮಧುಮೇಹ ರೋಗಿಗಳು ಇದನ್ನು ತಿನ್ನೋದು ಆರೋಗ್ಯಕ್ಕೆ ಉತ್ತಮ ಎನ್ನಲಾಗುತ್ತದೆ.. ಅಣಬೆಗಳಲ್ಲಿ ಕ್ಯಾಲೊರಿಗಳು ಮತ್ತು ಕೊಬ್ಬು ಕಡಿಮೆ ಇರುತ್ತದೆ. ಇದರಿಂದಾಗಿ ತೂಕವನ್ನು ನಿಯಂತ್ರಿಸಬಹುದು.
ಅಣಬೆಗಳು ಸೌಂದರ್ಯಕ್ಕೂ ಪ್ರಯೋಜನಕಾರಿ.
ಇದು ವಯಸ್ಸಾದ ಚಿಹ್ನೆಗಳು, ಚರ್ಮದ ಟೋನ್ ಮತ್ತು ವರ್ಣದ್ರವ್ಯದಂತಹ ಸಮಸ್ಯೆಗಳಿಂದ ನಿಮ್ಮನ್ನು ರಕ್ಷಿಸುತ್ತದೆ. ಅಣಬೆಗಳು ಉರಿಯೂತ ನಿವಾರಕ ಮತ್ತು ಉತ್ಕರ್ಷಣ ನಿರೋಧಕ ಗುಣಲಕ್ಷಣಗಳನ್ನು ಹೊಂದಿವೆ. ಇವುಗಳನ್ನು ಆಹಾರದಲ್ಲಿ ಸೇರಿಸೋದರಿಂದ ಆರೋಗ್ಯಕರ ಚರ್ಮ ನಿಮ್ಮದಾಗುತ್ತೆ.
