ಉತ್ತರ ಭಾರತದ ಪ್ರಸಿದ್ದ ಖಾದ್ಯ ಪರೋಟ. ಹಲವು ಪೋಷಕಾಂಶಗಳ ಆಗರ ಪರೋಟ. ವಿಧ ವಿಧವಾದ ಪರೋಟಗಳ ಮಧ್ಯೆ ನಾವಿಂದು ನಿಮಗೆ ಮೇಥಿ ಪರೋಟದ ಬಗ್ಗೆ ತಿಳಿಸುತ್ತಿದ್ದೇವೆ. ಕಡಿಮೆ ಸಮಯದಲ್ಲಿ ರುಚಿಕರವಾಗಿ ತಯಾರಿಸಿ ಮೇಥಿ ಪರೋಟ.
ಅಗತ್ಯ ಸಾಮಗ್ರಿಗಳು:
ಗೋಧಿಹಿಟ್ಟು – 1 ಕಪ್
ಮೆಂತ್ಯ ಸೊಪ್ಪು- 2 ಕಟ್ಟು
ಖಾರದ ಪುಡಿ -1 ಚಮಚ
ಗರಂಮಸಾಲ -1/2 ಚಮಚ
ಉಪ್ಪು- ರುಚಿಗೆ
ನೀರು – ಕಲೆಸಲು
ಎಣ್ಣೆ – ಸ್ವಲ್ಪ
ಮಾಡುವ ವಿಧಾನ
ಅಗತ್ಯ ಸಾಮಗ್ರಿಗಳನ್ನು ಒಂದು ಪಾತ್ರೆಗೆ ಹಾಕಿ, ಚಪಾತಿ ಹಿಟ್ಟಿನ ಹದಕ್ಕೆ ಕಲೆಸಿ. ಸ್ವಲ್ಪ ನೆನೆದ ನಂತರ, ಗುಂಡಾದ ಆಕಾರದಲ್ಲಿ ಲಟ್ಟಿಸಿಕೊಳ್ಳಿ.
ಕಾದ ತವದ ಮೇಲೆ , ಲಟ್ಟಿಸಿಟ್ಟುಕೊಂಡಿರುವ ಪರೋಟವನ್ನು ಎರಡೂ ಕೆಡೆ ಎಣ್ಣೆ ಹಾಕಿ ಬೇಯಿಸಿದರೆ , ಬಿಸಿ ಬಿಸಿ ಪರೋಟವನ್ನು ಮೊಸರಿನೊಂದಿಗೆ ಸವಿಯಲು ಸಿದ್ದ.