ಬೆಂಗಳೂರು: ರಜನಿಕಾಂತ್ ನಟನೆಯ ‘ಜೈಲರ್’ಸಿನಿಮಾ ಸೂಪರ್ ಹಿಟ್ ಆಯಿತು. 2023ರಲ್ಲಿ ರಿಲೀಸ್ ಆದ ನೆಲ್ಸನ್ ದಿಲೀಪ್ಕುಮಾರ್ ನಿರ್ದೇಶನದ ಈ ಚಿತ್ರ ಬಾಕ್ಸ್ ಆಫೀಸ್ನಲ್ಲಿ ಭರ್ಜರಿ ಗಳಿಕೆ ಮಾಡಿತ್ತು. ಈಗ ಈ ಚಿತ್ರದ ಸೀಕ್ವೆಲ್ ಬಗ್ಗೆ ಸುದ್ದಿ ಒಂದು ಹರಿದಾಡಿದೆ. ‘ಜೈಲರ್ 2’ ಮಾಡೋಕೆ ನೆಲ್ಸನ್ ಅವರು ಸಿದ್ಧತೆ ಮಾಡಿಕೊಂಡಿದ್ದಾರೆ. ರಜನಿಕಾಂತ್ ಅವರೇ ಈ ಚಿತ್ರದಲ್ಲಿ ಮುಖ್ಯಭೂಮಿಕೆ ನಿರ್ವಹಿಸಲಿದ್ದಾರೆ. ಈ ವಿಚಾರ ಕೇಳಿ ಫ್ಯಾನ್ಸ್ ಥ್ರಿಲ್ ಆಗಿದ್ದಾರೆ.
‘ಜೈಲರ್ 2’ ಚಿತ್ರಕ್ಕೆ ‘ಹುಕುಂ’ ಎನ್ನುವ ಶೀರ್ಷಿಕೆ ಇಡಲಾಗಿದೆಯಂತೆ. ಈ ವರ್ಷ ಜೂನ್ ತಿಂಗಳಲ್ಲಿ ಸಿನಿಮಾದ ಪ್ರೀ ಪ್ರೊಡಕ್ಷನ್ ಕೆಲಸಗಳು ಆರಂಭ ಆಗಲಿವೆ ಎಂದು ವರದಿ ಆಗಿದೆ. ಸದ್ಯ ಸ್ಕ್ರಿಪ್ಟ್ನ ಡ್ರಾಫ್ಟ್ ರೆಡಿ ಆಗಿದ್ದು, ನೆಲ್ಸನ್ ಅವರ ಐಡಿಯಾ ಇಷ್ಟ ಆಗಿದೆ. ‘ಜೈಲರ್’ ಚಿತ್ರದ ಕ್ಲೈಮ್ಯಾಕ್ಸ್ನಲ್ಲಿ ವಿಲನ್ನ ಕೊಲೆ ಮಾಡಿ, ತಪ್ಪು ಮಾಡಿದ ಮಗನನ್ನೇ ಕೊಲ್ಲುವ ದೃಶ್ಯ ಇತ್ತು. ಈ ಕಥೆಯನ್ನು ಪರ್ಫೆಕ್ಟ್ ಆಗಿ ಮುಂದುವರಿಸೋಕೆ ನೆಲ್ಸನ್ಗೆ ಐಡಿಯಾ ಹೊಳೆದಿದೆ. ಈ ಕಥೆಗೆ ರಜನಿಕಾಂತ್ ಹಾಗೂ ಸನ್ ಪಿಕ್ಚರ್ಸ್ ಕಡೆಯಿಂದ ಒಪ್ಪಿಗೆ ಸಿಕ್ಕಿದೆ. ಶಿವಣ್ಣ ಹಾಗೂ ಮೋಹನ್ಲಾಲ್ ಕೂಡ ಸಿನಿಮಾದಲ್ಲಿ ಇರುತ್ತಾರಾ ಅನ್ನೋದು ಸದ್ಯದ ಪ್ರಶ್ನೆ.
