ಕ್ಯಾನ್ಬೆರಾ, ಏ. 22 ನ್ಯೂಸ್ ಎಕ್ಸ್ ಪ್ರೆಸ್: ಜಗತ್ತಿನಲ್ಲಿ ಪ್ರಾಣಿಯನ್ನು ಸಾಕುವುದು ಸಾಮನ್ಯದ ಮಾತು ಆದರೆ,  ಒಬ್ಬಅನಾಥ ವ್ಯಕ್ತಿಯು ಒಂದು ಮುದ್ದಾದ ಇಲಿ ಮರಿಯನ್ನು ಸಾಕಿದ್ದ. ತಾನು ಸಾಕಿದ್ದ ಇಲಿ ಮರಿ ಇದ್ದಕ್ಕಿದ್ದಂತೆ ನಪತ್ತೆಯಾಗಿತ್ತು. ಇದರಿಂದ ಚಿಂತೆಗೀಡಾದ ಆ ವೃದ್ಧನ ಮುದ್ದಿನ ಇಲಿಯನ್ನು ಹುಡುಕಾಟ ಆರಂಭಿಸಿದ್ದ.  ಇದನ್ನು ಗಮನಿಸಿದ ಪೊಲೀಸರು ಕೊನೆಗೂ ಆ ವೃದ್ಧ ಸಾಕಿದ್ದ ಇಲಿ ಮರಿಯನ್ನು ಪತ್ತೆ ಹಚ್ಚುವಲ್ಲಿ ಯಶಸ್ವಿಯಾಗಿದ್ದಾರೆ ಹಾಗೂ ವೃದ್ಧನಿಗೆ ತಲುಪಿಸಿದ್ದಾರೆ. ತನ್ನ ಮುದ್ದಿನ ಇಲಿ ಮರಿಯನ್ನು ಕಂಡ ಆ ವೃದ್ಧನ ಖುಷಿ ಹೇಳತೀರದು.

ಈ ಅನಾಥ ವೃದ್ಧ ಸಾಕಿದ್ದ ಇಲಿ ಮರಿ ಕಳೆದ 1 ವಾರದಿಂದ ನಾಪತ್ತೆಯಾಗಿತ್ತು. ಸದ್ಯ ಇದನ್ನು ಪತ್ತೆ ಹಚ್ಚಿದ್ದೇವೆ ಎಂದು ಪೊಲೀಸರು ಹೇಳಿದ್ದಾರೆ.

ಈ ಘಟನೆ ಏ. 6ರಂದು ನಡೆದಿದೆ. ಮಧ್ಯಾಹ್ನ ಸುಮಾರು 2 ಗಂಟೆಗೆ ಅನಾಥ ವೃದ್ಧ ತಾನು ಸಾಕಿದ್ದ ಇಲಿ ಮರಿಯನ್ನು ಬಾಕ್ಸ್ ಒಂದರಲ್ಲಿ ಹಾಕಿ ನಡೆದುಕೊಂಡು ಹೋಗುತ್ತಿದ್ದ. ಹೀಗಿರುವಾ ದಾರಿ ಮಧ್ಯೆ ಸಾಕು ಇಲಿಯನ್ನು ರಸ್ತೆ ಬದಿಯಲ್ಲಿಟ್ಟು, ಶೌಚಾಲಯಕ್ಕೆ ತೆರಳಿದ್ದಾನೆ. ಇದೇ ವೇಳೆ ರಸ್ತೆ ಬರಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆ ಆ ಇಲಿಯನ್ನು ನೋಡಿದ್ದಾಳೆ. ಯಾರೋ ಇಲಿಯನ್ನು ಬೇಕೆಂದೇ ಬಿಟ್ಟು ಹೋಗಿದ್ದಾರೆಂದು ತನ್ನ ಮನೆಗೆ ಕರೆದೊಯ್ದಿದ್ದಾಳೆ. ಇತ್ತ ವೃದ್ಧ ಹೊರ ಬಂದಾಗ ತನ್ನ ಸಾಕು ಇಲಿ ನಾಪತ್ತೆಯಾಗಿರುವುದನ್ನು ಕಂಡು ಪೊಲೀಸ್ ಠಾಣಡಗೆ ತೆರಳಿದ್ದಾರೆ ಹಾಗೂ ತಾವೂ ಹುಡುಕಾಟ ಆರಂಭಿಸಿದ್ದಾರೆ.