ನಮ್ಮ ದಿನನಿತ್ಯ ಅಡುಗೆಗೆ ಸಾಮಾನ್ಯವಾಗಿ ಹಲವಾರು ತರಕಾರಿಗಳನ್ನು ಬಳಸುತ್ತೀವೆ. ನಾವು ಬಳಸುವ ಹಣ್ಣುಗಳು, ತರಕಾರಿಗಳು ಸಾಕಷ್ಟು ಪೌಷ್ಟಿಕಾಂಶಗಳಿಂದ ಕೂಡಿರುತ್ತದೆ. ವೈದ್ಯರು ಸಹ ಹೇಳುತ್ತಾರೆ ತರಕಾರಿಗಳನ್ನು ಹೆಚ್ಚಾಗಿ ತಿನ್ನುವುದರಿಂದ ನಮ್ಮ ಆರೋಗ್ಯವು ಸಹ ಚೆನ್ನಾಗಿರುತ್ತದೆ.
ಪ್ರಕೃತಿಯಲ್ಲಿ ಸಿಗುವಂತಹ ಪದಾರ್ಥಗಳಲ್ಲಿ ಕೆಮಿಕಲ್ ಇರುವುದಿಲ್ಲ, ಇದು ನಮ್ಮ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು.
ಬದನೆಕಾಯಿ ಕೆಲವರ ಇಷ್ಟದ ತರಕಾರಿಗಳಲ್ಲಿ ಒಂದಾಗಿದೆ. ಇದು ಎಲ್ಲಾ ಸಮಯದಲ್ಲಿ ಸಿಗುವಂತಹ ತರಕಾರಿಯಾಗಿದೆ. ಇದರ ಬೆಲೆಯೂ ಸಹ ಕೈಗೆ ಎಟಕ್ಕುವಂತಹ ರೀತಿಯಲ್ಲಿದೆ, ಹಾಗೂ ಇದರ ರುಚಿಯೂ ಸಹ ಹೆಚ್ಚಾಗಿರುತ್ತದೆ. ಬದನೆಕಾಯಿಯಿಂದ ನಾನಾ ಅಡುಗೆಯನ್ನು ತಯಾರಿಸಬಹುದು. ಬದನೆಕಾಯಿ ಸಾಂಬಾರ್, ಬಜ್ಜಿ ಎಲ್ಲರಿಗೂ ಇಷ್ಟವಾಗುತ್ತೆ. ಬದನೆಕಾಯಿ ಸಾಕಷ್ಟು ಆರೋಗ್ಯ ಗುಣಗಳನ್ನು ಹೊಂದಿದೆ. ಚಳಿಗಾಲದಲ್ಲಿ ಬದನೆಕಾಯಿಯನ್ನು ಹೆಚ್ಚು ಹೆಚ್ಚಾಗಿ ತಿನ್ನಬೇಕು ಎನ್ನಲಾಗುತ್ತದೆ. ಬದನೆಕಾಯಿ ಸೇವನೆಯಿಂದ ಹೃದ್ರೋಗ ಸಮಸ್ಯೆ ಕಾಡೋದಿಲ್ಲ. ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಬದನೆಕಾಯಿ ಒಳ್ಳೆಯದು. ನೀವು ತೂಕ ಇಳಿಸಿಕೊಳ್ಳುವ ಆಲೋಚನೆಯಲ್ಲಿದ್ದರೆ ಬದನೆಕಾಯಿಯನ್ನು ನಿಮ್ಮ ಡಯಟ್ ಪ್ಲಾನ್ ನಲ್ಲಿ ಸೇರಿಸಬಹುದು.
