ಪುಣೆ, ಮೇ. 15, ನ್ಯೂಸ್ ಎಕ್ಸ್ ಪ್ರೆಸ್: ಬಾಲೆವಾಡಿ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಇಂಡೋ ಇಂಟರ್ ನ್ಯಾಷನಲ್ ಪ್ರೀಮಿಯರ್ ಕಬಡ್ಡಿ ಲೀಗ್ ನಲ್ಲಿ ಬೆಂಗಳೂರು ರೈನೋಸ್ ತಂಡ ಶುಭಾರಂಭ ಮಾಡಿದೆ. ಮಂಗಳವಾರ ನಡೆದ ಮೊದಲ ಪಂದ್ಯದಲ್ಲಿ ಬೆಂಗಗಳೂರು ತಂಡ, ಪಾಂಡಿಚೇರಿ ಪ್ರೇಡಟರ್ಸ್ ವಿರುದ್ಧ 39-32 ಅಂಕಗಳಿಂದ ಜಯ ಸಾಧಿಸಿತು. ಮೊದಲ ಕ್ವಾರ್ಟರ್ ನಲ್ಲಿ ಉತ್ತಮ ಪ್ರದರ್ಶನದೊಂದಿಗೆ 13-5 ರಿಂದ ಬೆಂಗಳೂರು ಮುನ್ನಡೆ ಪಡೆಯಿತು. 2ನೇ ಕ್ವಾರ್ಟರ್ ಮುಕ್ತಾಯಕ್ಕೆ 20-17ರಿಂದ ಮುಂದಿದ್ದ ಬೆಂಗಳೂರು, ಕೊನೆ 2 ಕ್ವಾರ್ಟರ್ ಗಳಲ್ಲೂ ಉತ್ತಮ ಆಟ ಪ್ರದರ್ಶಿಸಿ ಗೆಲುವು ಸಾಧಿಸಿತು.