ಬೆಂಗಳೂರು,  ಜೂನ್.1, ನ್ಯೂಸ್ ಎಕ್ಸ್ ಪ್ರೆಸ್: ಪಟ್ಟಣದ 27ನೇ ವಾರ್ಡ್‌ನಲ್ಲಿ ಬಿಜೆಪಿ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದ ಸುಮಿತ್ರಾ ಪಿ.(19) ಜಯ​ಗ​ಳಿ​ಸಿದ ವಿದ್ಯಾ​ರ್ಥಿನಿ.  ಪುರಸಭೆ ಚುನಾವಣೆಯಲ್ಲಿ ಸದಸ್ಯೆಯಾಗಿ ಆಯ್ಕೆಯಾಗಿದ್ದಾಳೆ. ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಬಿಎ ಅಂತಿಮ ವರ್ಷದಲ್ಲಿ ವ್ಯಾಸಂಗ ಮಾಡುತ್ತಿದ್ದು, ತಂದೆ ಪಚ್ಚಪ್ಪ ಪ್ರತಿನಿಧಿಸುತ್ತಿದ್ದ ವಾರ್ಡ್‌ನಲ್ಲಿ 534 ಮತಗಳನ್ನು ಪಡೆದು ಎದುರಾಳಿ ಗಾಯತ್ರಿ ಸಂದೀಪ್‌ ಎಂಬ​ವ​ರ​ನ್ನು 121 ಮತಗಳ ಅಂತರದಿಂದ ಸೋಲಿ​ಸಿ​ದ್ದಾರೆ.

ಸುಮಿತ್ರಾ ಮಾತನಾಡಿ,  ತಂದೆ ಪಚ್ಚಪ್ಪ ಅವರು ಪುರಸಭೆ ಸದಸ್ಯರಾಗಿ ಸಲ್ಲಿಸಿದ ಸಮಾಜ ಸೇವೆ ನನ್ನನ್ನು ಸೆಳೆದಿತ್ತು. ಅದಕ್ಕಾಗಿ ಈಗ ನಾನೇ ಚುನಾವಣೆಗೆ ನಿಂತು ಗೆದ್ದಿದ್ದೇನೆ, ತಂದೆಗೆ ತಕ್ಕ ಮಗಳಾಗಿ​ದ್ದೇ​ನೆ. ಮುಂದೆ ಶಿಕ್ಷಣ ಹಾಗೂ ಪುರಸಭೆ ಸದಸ್ಯತ್ವದ ಕರ್ತವ್ಯಗಳೆರಡನ್ನೂ ತಂದೆ ಸಹಕಾರದಿಂದ ನಿರ್ವಹಿಸುವುದಾಗಿ ತಿಳಿಸಿದರು.