ಮೇ. 30, ನ್ಯೂಸ್ ಎಕ್ಸ್ ಪ್ರೆಸ್‍: ಬೇಸಿಗೆಯಲ್ಲಿ ಮದುವೆ, ಗೃಹ ಪ್ರವೇಶ ಹೀಗೆ ಒಂದಾದ ಮೇಲೆ ಒಂದು ಶುಭ ಸಮಾರಂಭಗಳು ನಡೆಯುತ್ತಿರುತ್ತವೆ. ಅಲ್ಲಿ-ಇಲ್ಲಿ ತಿರುಗಾಡುವ ಜನರು ಮಸಾಲೆ ಪದಾರ್ಥಗಳ ಸೇವನೆ ಮಾಡ್ತಾರೆ.
ಆರೋಗ್ಯದ ಬಗ್ಗೆ ಗಮನ ನೀಡದೆ ಸಿಕ್ಕಸಿಕ್ಕ ಆಹಾರ, ಸಿಹಿ ತಿಂಡಿಗಳ ಸೇವನೆ ಮಾಡ್ತಾರೆ. ಆದ್ರೆ ಬಾಯಿಗೆ ರುಚಿ ಎನ್ನಿಸುವ ಪದಾರ್ಥಗಳು ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತವೆ. ಬೇಸಿಗೆಯಲ್ಲಿ ನಿಮ್ಮ ಆಹಾರ ನಿಮ್ಮ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಕೆಲವೊಂದು ಪದಾರ್ಥಗಳ ಸೇವನೆ ಮಾಡದಿರುವುದು ಬಹಳ ಒಳ್ಳೆಯದು.
ಸಾಸ್: ಈ ಋತುವಿನಲ್ಲಿ ಯಾವುದೇ ರೀತಿಯ ಸಾಸ್ ಸೇವನೆ ಮಾಡಬೇಡಿ. ಅದ್ರಲ್ಲಿ 350 ಕ್ಯಾಲೋರಿ ಇರುತ್ತದೆ. ಇದು ಅನೇಕ ಸಮಸ್ಯೆಗೆ ಕಾರಣವಾಗುತ್ತದೆ.
ಎಣ್ಣೆಯುಕ್ತ ಜಂಕ್ ಫುಡ್: ಬರ್ಗರ್, ಬಜ್ಜಿ ಸೇರಿದಂತೆ ಎಣ್ಣೆಯುಕ್ತ ಆಹಾರ ಸೇವನೆ ಬೇಡವೇ ಬೇಡ.
ಮಸಾಲೆ ಪದಾರ್ಥ: ಮಸಾಲೆ ಆಹಾರದ ರುಚಿ ಹೆಚ್ಚಿಸುತ್ತದೆ. ಹಾಗಂತ ಬೇಸಿಗೆಯಲ್ಲಿ ಇದ್ರ ಸೇವನೆ ಮಾಡುವುದರಿಂದ ದೇಹದ ಶಾಖ ಹೆಚ್ಚಾಗಿ ಹಾಸಿಗೆ ಹಿಡಿಯಬೇಕಾಗುತ್ತದೆ. ಮಾಂಸಹಾರಿ ಆಹಾರ, ಬೇಸಿಗೆ ಕಾಲದಲ್ಲಿ ಮಾಂಸ ಆಹಾರ, ಮೀನು, ಚಿಕನ್, ಸಮುದ್ರಾಹಾರ ಸೇವನೆಯಿಂದ ದೂರವಿರಿ. ಇದು ಹೊಟ್ಟೆಯನ್ನು ಕೆಡಿಸುತ್ತದೆ. ಇದ್ರಿಂದ ಅತಿಸಾರವುಂಟಾಗುವ ಸಾಧ್ಯತೆ ಇದೆ.
ಟೀ ಅಥವಾ ಕಾಫಿ: ಬಿಸಿ ಬಿಸಿ ಕಾಫಿ ಅಥವಾ ಟೀಯಿಂದ ದೂರವಿರಿ. ಕೆಫೀನ್ ಅಂಶ ಜಾಸ್ತಿ ಇರುವ ಯಾವುದೇ ಡ್ರಿಂಕ್ಸ್ ಬೇಡ.
