ముంబై: బాలీవుడ్ నటుడు సుశాంత్ సింగ్ ఉరి వేసుకోవడం వల్లే చనిపోయాడని ఎయిమ్స్ వైద్యులు మంగళవారం సర్కారుకు సమర్పించిన తుది నివేదికలో తేల్చి చెప్పారు. మృతదేహంలో ఎలాంటి విషం ఆనవాళ్లు లేవని అందులో స్పఫ్టీక రించారు. ‘డీఎన్ఏను పూర్తిగా పరిశీలించాం. ఈ విషయంలో ఎటువంటి సందేహాలు అవసరం లేద’ని తెలిపారు. సుశాంత్ మృతికి సంబంధించి గతంలో మహారాష్ట్ర వైద్యులు ఇచ్చిన నివేదికలో తేలిన అంశాలే తమ పరిశీలనలోనూ నిర్ధారణ అయ్యాయని పేర్కొన్నారు. మానసిక ఒత్తిడి కారణంగానే ఆత్మ హత్య చేసుకున్నాడని భావిస్తున్నారు.
