పని మనుషుల నెల జీతం ఎంత ఉంటుందో తెలిసిందే. సాధారణ ఇళ్లలో పనిచేసే పని మనుషులకు రూ.2 వేల నుంచి రూ.4 వేల వరకు జీతం ఉంటుంది. గొప్పోళ్ల ఇళ్లల్లో పనిచేసే పను మనుషులకు అంతకు రెండితల జీతం ఉంటుంది. ప్రత్యేకంగా హౌస్‌ కీపింగ్ విభాగమే ఉంటుంది. వీరికి కనీసం రూ.10 నుంచి రూ.50 వేల వరకు జీతం ఉండవచ్చు. కానీ, ఆ దేశంలో పనిమనిషికి ఏకంగా రూ.18 లక్షల జీతం ఇస్తారట. ఔనండి, మీరు విన్నది కరక్టే!ఇంతకీ ఎక్కడ అనుకుంటున్నారా? బ్రిటన్ రాణి రెండో ఎలిజబెత్ వద్ద. మరి, రాణిగారి వద్ద పనిచేసే వ్యక్తి అంటే.. అంత జీతం ఉండాల్సిందే కదా. విండ్సర్ క్యజిల్లో హౌజ్‌ కీపర్ పోస్టు ఖాళీగా ఉందని, అర్హులు వెంటనే దరఖాస్తు చేసుకుని ఇంటర్వ్యూలో పాల్గోవాలని రాచకుటుంబం ప్రకటించింది. ట్రైనింగ్ పూర్తి చేసుకుని బాధ్యతలు స్వీకరించే పని మనిషికి తొలుత నెలకు సుమారు రూ.18 లక్షల జీతం అందిస్తామని పేర్కొంది. అంటే.. మున్ముందు ఈ జీతం మరింత పెరిగే అవకాశం కూడా ఉందన్నమాట.పేరుకు ‘హౌస్‌కీపర్’.. కానీ, వీరికి అన్నిరకాల సదుపాయాలు లభిస్తాయి. వీరికి ఏడాదికి 33 సెలవులు ఉంటాయి. హెల్త్ ఇన్సురెన్స్‌తోపాటు ట్రావెలింగ్ తదితర అలవెన్సులు కూడా ఉంటాయట. అయితే, ఈ పోస్టు దక్కాలంటే అంత సులభం కాదు. అర్హులకు తప్పకుండా లెక్కలు, ఇంగ్లీష్ బాగా రావాలట. ఈ పనిలో చేరేందుకు ముందు 13 నెలలు శిక్షణ పొందాలి. శిక్షణలో అర్హత పొందినవారికే ఆ ఉద్యోగం వరిస్తుంది.