హైదరాబాదు : ఇక్కడి జాంబాగ్ డివిజన్లో జీహెచ్ఎంసీ ఎన్నిక ప్రచారానికి వెళ్లిన మజ్లీస్ పార్టీ అధినేత అసదుద్దీన్ ఒవైసీ పై మగువలు సోమవారం మండి పడ్డారు. ఇటీవల కురిసిన భారీ వర్షాలకు నగర వాసులు తీవ్ర ఇబ్బందులకు గురయ్యారు. కొందరికే ప్రభుత్వం సాయం అందింది. ‘ వరద సహాయం మాకు అందలేదు. కష్టకాలంలో ఉన్నప్పుడు పట్టించుకోని మీరు ఇప్పుడు ఓట్ల కోసం వచ్చార’ని నిలదీశారు. దీంతో ఒవైసీ వెంటనే అక్కడి నుంచి వెను దిరిగారు. ఎంఐఎం 52 స్థానాల్లో పోటీ చేస్తోంది.