ಬೆಂಗಳೂರು, ಅ.19 : ಹಾಸ್ಯ ನಟ ಅಪ್ಪಣ್ಣ ರಾಮದುರ್ಗ ಇದೀಗ ಸ್ಯಾಂಡಲ್ವುಡ್ ಪಾಲಿನ ಬೇಡಿಕೆಯ ಹಾಸ್ಯ ನಟ. ಕಿಚ್ಚ ಸುದೀಪ್ ನಟನೆಯ ‘ಪೈಲ್ವಾನ್’ ಸಿನಿಮಾದಲ್ಲಿ ಹೊಸ ಬಗೆಯ ಪಾತ್ರ ಮಾಡುವ ಮೂಲಕ ಪ್ರೇಕ್ಷಕರಿಗೆ ಮತ್ತಷ್ಟು ಹತ್ತಿರವಾಗಿರುವ ಅಪ್ಪಣ್ಣ, ಈಗ ಹಲವು ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಉತ್ತರ ಕರ್ನಾಟಕದ ಜವಾರಿ ಭಾಷೆಯ ಮೂಲಕ ಅಸಂಖ್ಯಾತ ಅಭಿಮಾನಿ ಬಳಗ ಹೊಂದಿರುವ ಕನಸಿನ ಪಾತ್ರಗಳು ಸಿಗುತ್ತಿವೆ ಎಂಬ ಸಂಭ್ರಮದಲ್ಲಿದ್ದಾರೆ.
ಕಾಮಿಡಿ ಕಿಲಾಡಿಗಳು ಶೋ ಮೂಲಕ ನಾಡಿನ ಜನತೆಗೆ ಹೆಚ್ಚು ಪರಿಚಿತರಾದವರು ಅಪ್ಪಣ್ಣ. ಆದರೆ, ಪೈಲ್ವಾನ್ ಮೂಲಕ ಐದು ಭಾಷೆಯ ನೋಡುಗರಿಗೆ ತಲುಪಿದರು.